أحمد عيد عبد الملك ينتقد تصرفات شيكابالا
انتقد أحمد عيد عبدالملك نجم الزمالك السابق، تصرف قائد الفريق الأبيض محمود عبدالرازق “شيكابالا”، بعد قيامه بتسجيل فيديو يسخر فيه من خالد الغندور نجم الزمالك السابق.
وكان الغندور أبدى اعتراضه على ظهور شيكابالا مع أحمد حسام “ميدو”، نجم الزمالك السابق في برنامجه الجديد “أوضة اللبس”، وهو ما أدى إلى رفض رئيس النادي الأبيض مرتضى منصور لقيام شيكابالا بتسجيل الحلقة، الأمر الذي ترتب عليه شن هجوم من جانب الثنائي على الغندور.
وكتب عيد عبر حسابه الرسمي على موقع التواصل الاجتماعي “فيس بوك”: “شيكا أخويا وحبيبي وقريب ليا جدًا بس غلطان طبعًا”.
وتابع: “واللي يقول غير كده ميبقاش حقاني مهما اتقال عليك من أي حد احنا بنرد بالنيابة عنك في أي حاجة كجمهور علشان انت كبير عندنا وكابتن النادي ولو كابتن خالد اتسرع في إنه نزل بوست وهاجمك وممكن الهجوم يكون لسبب إنك مطلعتش في قناة النادي لحد دلوقتي وده الي أنا حاسه أو شايف كده من وجهة نظري”.
وواصل: “أنا شايف إنه حتى لو كان شيكا طلع من المعسكر وسجل في أي مكان بموافقة النادي هو حر طبعًا طالما واخد الموافقة احنا معندناش ماتش بكره ولا كمان اسبوع علشان نعقد الدنيا،، الصراحة فيديو مش موفق يا شيكا متعودناش منك علي كده ولو اي حد اتفق أو اختلف مع كابتن خالد هو مشجع زملكاوي درجة تالتة قبل ما يكون من كباتن النادي الكبار الي حققو كتير للنادي اكيد”.
وأتم: “كل حاجة بالعقل ومتخدوش الامور حب وكره وان شاء الله الامور تكون عدت علي خير، عاش الزمالك الي مجمعنا”.
يذكر أن الغندور ظهر في بث مباشر خلال الساعات الأولى من صباح اليوم الخميس عبر حسابه الشخصي على الفيس بوك، وأبدى استيائه الشديد من رد فعل ميدو وشيكابالا تجاهه، خاصة أنه كان القائد التاريخي لنادي الزمالك.
خالد الغندور يوجه رسالة لشيكابالا وميدو بعد فيديو “البندق”
شيكابالا ساخرًا من خالد الغندور: “مفيش بندق هاكل فسدق” (فيديو)
