أزمة في “بسين” قرية بالساحل الشمالي بسبب “البكيني” والمايوه الشرعي

تدوال مستخدمو موقع التواصل الاجتماعي “فيس بوك”، مقطع فيديو يفيد حدوث مشكلة داخل حمام السباحة بإحدى القرى السياحية بالساحل الشمالي بسبب المايوه الشرعي، الذي ارتدته إحدى السيدات، الأمر الذي أثار حفيظة بعض المتواجدين على حمام السباحة، ويرى بعضهم أنه غير مناسب على الإطلاق إرتدائه في تلك الأماكن خاصة أن جميع الفتيات يرتدين “البكيني”.

ونشر مصطفي حسن، زوج السيدة، مقطع فيديو على صفحته على “فيس بوك”، القصة الكاملة، قائلا: “حصل لمراتى النهاردة وأنا معاها فى pool فى ستيلا الساحل لقيت سكان جايين يقولولها واحنا فى الماية ماينفعش تنزلى باللبس ده أو بالمايوه ده !! قالت ليه بكل استغراب وخوف كما لو كانت عملت حاجة غلط، واحدة عندها شاليه زيها زي أى حد وييجى ناس يقولوا لها اخرجى عشان إنتى لابسة مايوه شرعى ومضايقة عيوننا بيه!! هنا كله لابس بيكينى أو one piece”.

وأضاف حسن: “وطبعا عشان ناس متتطلعش تقول Stella ونربط مسيحيين معانا أحب اقولك ان فيه بنات وشباب زي الورد مسيحين أكتر من مسلمين وكلهم واحد كانوا بيدافعوا عن مراتى وبيقولوا للناس دي انتو مرضى”.

“لم مراتك يا عماد”.. هجوم على يارا نعوم واتهماهما بالعنصرية لرفضها نزول مربية أطفال حمام سباحة (صور)

وتابع زوج السيدة، أنه يري الذي حدث عنصرية، مردفًا: “زيهم زى اللى بيقولوا للي لابسة لبس قصير ماتلبسيش و أكيد دول اللي برده عندهم عنصرية اللون والدين.. ياريت كل واحد يبقى فى حاله احنا فى 2020 يا ناس كفاية جهل”.