الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

لقاء سويدان: “سنة 2020 حلوة جدًا وكان نفسي في كورونا من زمان” (فيديو)

القاهرة 24
فن
الإثنين 27/يوليو/2020 - 10:20 م

عبّرت الفنانة لقاء سويدان عن رأيها في عام 2020، الذي بدأ بالعديد من الأحداث الهامة ومنها فيروس كورونا، الذي ألزم العالم بالالتزام في المنزل وعدم الاختلاط، والاهتمام بالنظافة الشخصية أكثر، وكانت تصريحاتها عن الفيروس والعام مختلفة.

وقالت “سويدان” لـ”القاهرة 24″: “سنة 2020 دي غيرت فيّ حاجات كتير أوي، أنا حساها سنة التأملات والاكتشافات، أنا شايفة 2020 سنة مهمة وحلوة جدًا، كل أقدار ربنا خير، وديمًا كل حاجة بتحصلي بحمد ربنا عليها ثم ابتدي أفكر ليه دا حصل، مش من النوع اللي بيعدي الأحداث مرور الكرام”.

وأردفت: “لقيت إن وباء كورونا لما توصلت لإجابة عن الرسالة اللي ربنا عاوز يبعتهالنا هي إن ربنا بيقولنا أنا اللي بإيدي الأمر، وبوزع الأرزاق، ولأول مرة الإنسان ميبقاش في إيده حاجة وكله يتساوى الغني زي الفقير، الكبير زي الصغير والسليم زي المريض وكله قاعد في البيت، كل الناس زي بعض، دا بالنسبالي درس كبير، والمهم إني أسعى ورد الفعل والنتيجة على سعيي دا هو حسب السعي”.

“أنا عيلة”.. لقاء سويدان تكشف أسباب تراجعها عن الاعتزال 

واستكملت حديثها عن اهتمامها بنظافتها الشخصية من قبل مجئ الفيروس، قائلةً: “كل أصحابي عارفين إني ديمًا بمشي بالجيل والديتول من قبل كورونا، فالكورونا بسطاني جدًا الصراحة، وإن كل الناس بقيت بتغسل إيديها كتير وتهتم بنظافتها الشخصية، أنا بمشي بالماسك، وحتى في المسرح ديمًا متباعدين ومحافظين على المسافات بينا”.

واختتمت حديثها، بأنها شعرت بغرابة تصريحاتها عن ذلك العام وخاصة عن الفيروي الذي كان كابوسًا للبعض، واستطردت حديثها: “هتستغربوا من اللي بقوله، ولكن الكورونا بسطاني عشان عادات الناس بدأت تتغير ومختلفة، احنا كنا بنبوس ونسلم ونحضن أوي كدليل على الحب، دا مش دليل على الحب فيه أدلة كتير غير كدا، فدا هيغير في سلوك الناس، بقينا طول الوقت مركزين إن المكان نضيف وغاسلين إيدينا، أنا بالنسبالي شيء ممتع جدًا”.

لقاء سويدان عن التحرش: “أنا ضد الفرقعة الأوفر والفضيحة.. والدين أمرنا بالستر” (خاص)

تابع مواقعنا