السيسي: “العامل يتوزن كل شهر مفيش هزار ولا دلع”
قال الرئيس عبد الفتاح السيسي، خلال افتتاحه المدينة الصناعية بالروبيكي، قبل قليل، إن مشكلة ما يحدث لأي صناعة ليس كونها جديدة، ولكن ما يهم الإدارة لديها بشكل جاد ومنضبط، مشددًا: “العامل يتوزن كل شهر مفيش هزار ولا دلع”.
وأضاف السيسي: ”إحنا فرحانين إننا بنفتتح ولكن التواصل مع العمالة والتواصل هدفها أن يكون للنجاح وما حدث خلال سنوات الماضية هناك منشآت كان لديها خبرة وما جعلها تتراجع هي الإدارة”.
كما لفت إلى أن استمرار النجاح أمر ليس سهل يحتاج جهد ووقت والتزام، متابعًا: ”لو العمالة عايزة 100 مينفعش يبقي 101 ويجب تأهيل العمالة وتدريبها ومتابعتها، ولما كنت بدخل مصانع القطاع الخاص الاقي العمالة كل واحد بيبص على شغله ومحدش له دعوة بيا المشكلة كلها في الإدارة لو الإدارة مظبوطة، والدولة بصدد خطة طموحة للغزل والنسيج في مصر”.
السيسي عن أزمة سد النهضة: “الأسد محدش بياكل أكله وحقنا محدش يقدر يجور عليه”
وفيما يخص أزمة سد النهضة، قال الرئيس السيسي: “الأسد محدش بياكل أكله والأسد مش كلام، وكل واحد في موقع يبقي أسد وحقنا في الحياة محدش يقدر يجور علينا ولا على مصالحنا ولا على أمننا القومي وأنا بطمن المصريين أهلي وحبايبي”.
وتابع: ”الدولة واخدة بالها من بدري أوي وبيتعمل شغل في الموضوع ده ولكن الناس مش منتبهة أن ده بيتعمل في إطار خطة استراتيجية من محطات تحلية للمياه ومصر تعتبر من الدول الأكثر إدارة لاستخدام المياه”.
