لاعب الزمالك والإسماعيلي السابق يهاجم ميدو: مريض وكداب

هاجم أحمد ناصر لاعب الزمالك والإسماعيلي السابق، أحمد حسام ميدو المدير الفني لفريق مصر المقاصة السابق بعد تصريحاته الأخيرة ضده.

وأشار أحمد ناصر عبر حسابه الشخصي على موقع التواصل الاجتماعي تويتر إلى رد ميدو الذي هاجمه خلاله قائلاً: “‏‎‎والله ما بيعرف يباصي وكان عقده في الإسماعيلي فئة أولى ولما مشيته قالي أنا هوريك يا كابتن إني أحسن من مدحت عبد الهادي”.

وكتب ناصر عبر حسابه الشخصي على موقع التواصلالاجتماعي “فيس بوك”: “الخامورجى الفاشل كفايه كدب ومرض نفسى عشان والله والله والله يا خمورجى انت لازم تتعالج نفسيًا من الكدب”.

وواصل: “أيقونه الكذب فى الرياضه المصريه.. بطل كوره وهو عنده 27 سنه كان رقم 3 فى الزمالك بعد احمد جعفر وسيد مسعد”.

وأردف: “لعب فى أوروبا بالعمولات والسمسره ولما انكشف امره بق يدفع للانديه ويلعب ببلاش فى الدرجه التانيه.. لان ده حجمه وامكانياته الحقيقه.. عايز تعمل نفسك أسطوره وانت أكذوبة”.

كما علق ناصر على حديث ميدو قائلاً: “بص يا خمورجي إزاى انت بتقول إن أنا كنت فئه أولى في الإسماعيلي وقت كان فيه ك حسنى عبدربه و ك عصام الحضرى وأحمد سمير فرج والسولية وجون أنطوي ومروان محسن وشوقي السعيد ومتولي ومحمود عبد العزيز وإبرهيم حسن وكان عندي 23 سنه”.

وتابع: “إزاى مكنتش بعرف أباصي وكنت فئه أولى يا مريض وبرضه اللعيبة دي أغلبهم كنت عايز تبطلهم وبعدين تاني حاجة أنا هقولك انت يا خمورجى يا كابتن عمرها ما طلعت مني ليك لإني كنت عارف إنك بتكرهني وجاي هتموت من حب جمهور الإسماعيلي ليا وده شرف كبير ليا”.

واختتم: “وهفضل طول عمري مدين ليهم لأنهم خلوك تلف حوالين نفسك ومتنمش بسبب أحمد ناصر، بني آدم مريض وعايز تتعالج وآخر حاجه انت يا كداب اللي جبت سيرة كابتن مدحت عبد الهادى وبتقول انت واخد معاملة كأنك مدحت عبد الهادى وده برضه يثبت قد إيه إنك إنسان مش طبيعي وبتحارب الناس في رزقهم”.

ويعود سبب الخلاف بين الطرفين بعدما كان ميدو سببًا في رحيل ناصر عن الزمالك وقت توليه قيادة الفارس الأبيض، وبعدما تولى ميدو تدريب الإسماعيلي طالب من إدارة الدراويش بالاستغناء عن اللاعب الذي كان قد انتقل إليه وهو ما حدث ورحل ناصر عن صفوف القلعة الصفراء.

ميدو عن امتحانات الثانوية العامة: “كنا بنحاول نغش من أي حد قاريله كلمتين والمحصلة 64%”