اليوتيوبر خالد جاد ينفي مطالبته بالتبرعات بعد إصابته بجلطة في ألمانيا (فيديو)
طمأن اليوتيوبر خالد جاد، جمهوره على حالته الصحية، بعدما أصيب بجلطة في ذراعه اليمنى، ونقل على إثرها أحد المستشفيات في دولة ألمانيا، لتلقي العلاج اللازم.
وظهر جاد في فيديو منذ قليل على صحفته الرسمية بـ”فيس بوك”، مطمئًنا الجمهور فقال: “أولًا أنا حابب أشكر كل الناس اللي حاولت تيجي واللي جت ومشيت، واللي حاولت تتصل في ضغط كبير جدًا على المستشفى في الاتصالات، أنا بقيت كويس أنا بخير مفيش أي حاجه بالعكس ممكن أخرج قريب جدًا”.
وتابع: “أتمنى من كل الناس أنها تهدي الأمور، مافيش أي شئ حاليًا، في ناس بتعمل حاجات وبتجمع فلوس وبتعمل وبتسوي، كل ده مش حقيقي، أنا بخلي مسؤليتي، أنا مش محتاج أي حاجه، بالعكس المستشفى تمام، ومتاخدوش كلام من أي حد، وبشكر كل الناس اللي أهتمت ومهتمة، ياريت الناس تطمن وياريت تخفوا الضغط على المستشفى، الحمدلله الأمور عدت سليمة”.
بعد وفاة حفناوي.. إصابة اثنتان من مشاهير يوتيوب بجلطات في أسبوع واحد (صور)
وفي وقت سابق، أعلنت الصفحة الرسمية لـ”اليوتيوبر” مي عبد الرحمن، إصابتها بعدة جلطات في الرئة، مما تسبب لها في ضيق بالتنفس، وعدم استقرار حالتها الصحية، بعد وفاة اليوتيوبر مصطفى الحفناوي.
وقالت الصفحة: “ناس كتير بتسأل على حالة مي، أدعولها ربنا يشفيها ويعدي الابتلاء ده على خير، الأشعة الجديدة بينت إنها عندها جلطات على الرئة، وده اللي مسبب لها ضيق تنفس وحالتها الصحية مش مستقرة نهائي، كثفوا الدعاء ليها”.
وتأتي إصابة مي عبد الرحمن، بعد إعلان الحساب الرسمي لـ”اليوتيوبر” مي ماهر على “انستجرام”، إصابتها بجلطة على الرئة بشكل مفاجئ، حيث كتب: “: “ادعوا من قلبكم لمي ماهر ربنا يشفيها ويعافيها، جتلها جلطة في الرئة فجأة، وهي دلوقتي في عناية مركزة.. أدعوا لها بالشفاء العاجل يا رب”.
وعلى جانب آخر، توفي يوم الاثنين الماضي اليوتيوبر الشهير مصطفى حفناوي، وذلك بعد إصابته بجلطة في المخ، جاءت نتيجة إهمال طبي، دخل على إثره في غيبوبة بأحد المستشفيات الخاصة في القاهرة.
