ريهام سعيد: “ماسمعش حد بيكتب الإعلامية الموقوفة”
احتفلت الإعلامية ريهام سعيد، بانتهاء مدة إيقافها إعلاميًا بسبب قرار المجلس الأعلى للإعلام، بعد مهاجمتها لمرضى السمنة في العام الماضي.
وكتبت ريهام على حسابها الشخصي بموقع “انستجرام”، : “انهاردة 28 أغسطس، ماسمعش ولا أشوف حد بيكتب الإعلامية الموقوفة، مابقتش موقوفه والسنه دي كلنا قعدناها في البيت، مش أنا لوحدي و عدت السنة بسلام يالا أفرحوا معايا بالبداية الجديده واللي جاي كله خير و نجاح أنا متاكدة لأن ربنا كبير وعظيم.. يابلدنا ياحلوه بالناس الحلوة.. بحبكوا أوي”.
View this post on Instagram
وفي وقت سابق، علقت ريهام، على حكم حبس سما المصري، سنتين بتهمة سب وقذف الإعلامية، فقالت عبر حسابها على موقع “انستجرام”: “سبحان الله السنة اللي فاتت زي النهارده استقبلت خبر وقفي من المجلس الأعلى وفي عليهم لأن أنا مريضة سمنة.. ناس كتير اتخلت عني كانت بتعرفني فقط لشهرتي راحوا والأقنعة اترفعت واتصدمت في ناس كتير أوي ماشافوش مني غير كل خير ده غير الإهانة والسب”.
وتابعت: “ناس كتير أوي غلطت فيه وهما مش فاهمين حاجة، في نفس يوم وقفي من غير شماته ولكن بقناعة أن التوكل على ربنا فقط حتى لو ملكش حد كفاية بعد سنة النهارده يتفك الوقف، واللي عايرني إني مش بشتغل اتطرد شر طردة والمجلس الأعلى اتحل وسما أخدت حكم واللي كانوا بيعملوا فيديوهات ضدي حالتهم كرب واعتذروا في أقل من سنة رجع الحق عشان ربنا عادل وعظيم وكريم واللي عند ربنا مابيروحش. بشكرك يا رب”.
وأضافت: “بشكر المحامي شعبان سعيد اللي في ضهري طول الوقت بشكر زوجي بشكر أي حد كلمني أو سأل عليّ وأنا مش بشتغل ومذيعة ومكسرة الدنيا بشكر الناس الأصيلة الجدعة زي الفانز وزي حمدي بدر ومحمد رمضان وياسمين عبدالعزيز وبدريه طلبة ودينا ومي كساب وإيمان العاصي وأصالة وأحمد رزق وعلاء الشربيني وسعد الصغير”.
حبس سما المصري عامين في اتهامها بسب وقذف ريهام سعيد