سعد الصغير يرفع “تيشرت” الأهلي في أول حفل زفاف له بعد أزمته مع مدحت العدل (صور)
أحيى المطرب الشعبي سعد الصغير، حفل زفاف أمس ورفع فيه “تيشرت” النادي الأهلي الجديد، في إشارة منه لتشجيع القلعة الحمراء في أي وقت.
ونشر سعد الصور عبر حسابه الرسمي بموقع الصور والفيديوهات “انستجرام”، وعلق عليها قائلًا: “الأهلي معانا في كل مكان، شغل.. بيت.. سفر.. الأهلي الحياة لنادي القرن العظيم”.
View this post on Instagram
الاهلي معانا في كل مكان شغل بيت سفر الاهلي الحياه نادي القرن العظيم❤️❤️❤️
وهذا الحفل الأول الذي يحيه الصغير بعد أزمته مع السيناريست مدحت العدل، الذي اعتقد الصغير أنه يتنمر عليه بسبب التغريدة التي نشرها السيناريست ليمدح فيها جمهور النادي الزمالك.
ورد الصغير بفيديو قال فيه: “لو راجل غلبان بيقول الكلام ده هنقول مش فاهم، لكن أنت راجل فاهم.. أنت عارف يا دكتور بحبك يا حمار اتقالت في سياق فيلم، لما تطلع وتعايرنا بيها يبقى إيه ده؟”.
وتابع: “طب عارف إن شادية وشكوكو غنوا للحمار، أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش”.
واختتم: “لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش اقرأ بس أبويا علمني، وأنت اتعلمت بالورقة والقلم، حاول تتعلم من الكلام”.
أول تعليق من سعد الصغير على تنمر مدحت العدل: “لو بتعايرني يبقى أنت مش دكتور” (فيديو)
“بحبك يا حمار” تشعل أزمة بين مدحت العدل وسعد الصغير (تفاصيل)
