الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أوس أوس في رسالة شديدة اللهجة: “دمرتوا مراتي.. حسبي الله ونعم الوكيل” (صورة)

القاهرة 24
فن
الإثنين 31/أغسطس/2020 - 07:31 م

أعرب الفنان محمد أسامة الشهير بـ”أوس أوس”، عن استيائه الشديد من تعليقات الجمهور التي تلقاها في أحدث ظهور له هو وزوجته في زفاف شقيقة الفنان مصطفى خاطر، وذلك بعد وفاة نجلهما منذ بضعة أشهر عن عمر ناهز ثلاثة أشهر من ولادته.

ونشر أوس أوس صورة برفقة زوجته، عبر حسابه الشخصي على موقع تبادل الصور والفيديوهات “انستجرام”، وعلق عليها قائلًا: “أنا مش محتاج أبرر وأحكي أي حاجة عن حياتي، والست اللي قلبي اختارها كنت ساعتها فى أول موسم لتياترو مصر، كنا نتقاضى مرتبات مش ممكن تفتح بيت وأول ما اتجوزت كنت أقعد فى بيت إيجار كمان”.

وتابع: “أنا بس هكتفي بالنقطتين دول علشان أصحاب العقول والنفوس المريضة يعرفوا ويبطلوا نغمة، الفلوس بتعمل أكتر من كده، الفلوس ممكن تشتري سرير بس ماتشتريش النوم.. ومش أنا بس دا أغلب المشاهير اللي بتحسدوهم على حياتهم دلوقتي ماتعرفش بدأ من امتى واتبهدل ازاي ولولا وجود حد جنبه بيسنده ويدعمه ماكنش هيعرف يعدي من أي مشكلة نفسية أو مادية في حياته”.

 

View this post on Instagram

 

انا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه ! انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل ❤️ سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس ?

A post shared by Mohammed Usama Osos (@osossssssss) on Aug 31, 2020 at 9:34am PDT

زفاف شقيقة مصطفى خاطر يشهد أول ظهور لزوجة أوس أوس بعد وفاة رضيعها

وأضاف: “ومش معنى إني بنزل اشتغل أو بتصور وأنا مبسوط ده معناه إني هموت من الفرحة، بس دي مهنتي واجبي ناحية جمهوري إني أخرجه من أي حزن هو فيه كل ده بعمله على حساب حزني وجرحي ووجعي أنا.. وفي الآخر بتشتم برضه.. أنا بقول الكلام ده ولن أسمح بأي تدخل في حياتي الشخصية مرة أخرى سواء بالخير أو بالشر أو دخول اسم مراتي في أي كلمة من كلام المرضى النفسيين، مراتى اللي أخوها متوفى وابنها متوفى وماصدقت أول مرة أخرجها نروح مناسبة ودمرتوها نفسيًا تاني بكلامكم المريض.. حسبي الله ونعم الوكيل فيكم…حقك عليا يا ست الكل”.

واختتم حديثه: “سكت كتير وكنت بعدي لكن مفيش فايدة.. كل واحد يركز في حياته.. الطموح حلم مشروع عند كل الناس اسعى واتعب وكافح وربنا اللي بيكافئ مش البشر بدل ماتفضل تبُص فى حياة الناس”.

وتوفي نجل “أوس أوس” مؤخرًا، عن عمر ناهز الثلاثة أشهر من ولادته، وأعلن وقتها أنه توفي بطريقة طبيعة، عكس ما تداولته الأخبار، أنه توفي إثر سقوطه على وجهه في المنزل.

تابع مواقعنا