زوجان يحددان جنس المولود بإضاءة برج خليفة بتكلفة 100 ألف دولار.. ومعلقون: “ماله السونار” (صور وفيديو)
أقام مدون سوري يدعي أنس مروة، وزوجته أصالة المالح حفلًا كبيرًا في مدينة دبي بالإمارات لتسجيل لحظات معرفة جنس مولودهم المنتظر.
وأظهرهما الفيديو الذى تم تداوله على منصات التواصل الاجتماعي المختلفة وهما فى حفل جماعي أمام برج خليفة في دبي، لمعرفة جنس المولود المنتظر.
وتكلفة الحفل الذى نظمه المدون وزوجته بلغت نحو 100 ألف دولار، حيث يشير اللون الأزرق إلى أنه (ذكر) واللون الزهري إلى أن المولود سيكون (بنتًا).
وكتب محمد إبراهيم مدون على موقع التواصل “فيس بوك” ساخرًا: “2 يوتيوبرز في الإمارات عملوا حفلة معرفة نوع الجنين على برج خليفة في الامارات، بدأ عد تنازلي وبعدين إعلان نوع الجنين الحفلة كلفت 95 ألف دولار على 3 دقايق”.
مضيفًا: “فرحتهم لما عرفوا انه ولد كأنه كان فيه احتمال يطلع طائر أو حاجة تانية مش فاهم ما هو يا ولد يا بنت والاتنين خير، وبعدين ماله السونار اللي بـ400 جنيه، ونقعد نقول سبحان الله شوف البيبي ساجد ازاي ولا دا شبه ابوه خالص واحنا مش شايفينه أصلًا، ياللا المهم هم فرحانين واحنا فرحانين وبرج خليفه فرحان كل واحد حر في فرحته”.
وكتبت سمر محمد: “زمان كانوا بيقولوا مثل شعبي اللي معاه قرش محيره يجيب حمام ويطيره” على حد وصفها، وعلق آخر: “اللي معاه دولار محيره يعرف بيه نوع الجنين على برج خليفة ويطيره”.
وكتبت مي بهاء:” مش عارفة ليه شايفه إن كل واحد حر في نفسه، وكل واحد ليه طريقته اللى بيفرح بيها، وعلى حسب المستوى المادى لكل شخص ورد فعلهم مش أوڤر ولا حاجة، طبيعي حاجة حماس ليهم ووسط ناس هيبقى أكتر من كدة كمان ما الواحد بيسمع أغنية 100 مرة ولما بيروح حفلة بيبقى مندمج جدًّا فى الأجواء بتاعة الحفله، وبيدفع فلوس برضه بالنسبه لشخص تاني هي كتير رغم انه ممكن يسمعها فى البيت عادي”.
