أحمد حلمي يحكي قصة حبه لمنى زكي وبداية تعارفهما
سرد الفنان أحمد حلمي قصة حبه مع زوجته الفنانة منى زكي، وذلك خلال لقائه ببرنامج “صاحبة السعادة” مع الإعلامية إسعاد يونس، على قناة DMC.
وذكر بداية لقائه بها، وقال: “بالنسبالي كانت ممثلة جميلة وكنت معجب بيها، ووقتها كنت بشتغل في برنامج “لعب عيال”، وجاتلي مكالمة من المنتج محمد فوزي، أنه عايز يقابلني، فقولتله تمام”.
وتابع: “يومها روحت وكنت لسة مخلص شغل وكنت عرقان وريحتي وحشة، وبمجرد ما وصلت ودخلت اكتشفت إن منى زكي موجودة في الاجتماع اللي بيني وبين محمد فوزي، وقتها قولت لنفسي ايه القرف ده، وليه تشوفني بالشكل ده”.
وحكى تفاصيل الجلسة التي جمعته بمحمد فوزي ومنى زكي، قائلا: “اتعرفت عليهم وشرحلي محمد فوزي عايزني في ايه، وكان عايزني في مسرحية، فمكنتش برد غير ردود مقتضبة بسبب شكلي وريحتي واحراجي منها”.
واستكمل: “ومن ردودي وطريقتي ظهر ليهم إني غلس ورخم، وبعدها قاموا هما الاتنين في البلكونة يتكلموا، وحسيت من كلامهم إن مستغربين شكلي وطريقتي”.
وأردف: “بعدها نزلنا سوا وسألتها هتبقي معانا في المسرحية ولا لأ، واتكلمنا وأخذت منها رقم التليفون ورقم البيت بحجة اتواصل معاها وأقرب منها، وروحت كلمتها كتير ومردتش، وبعدها اتصلت على تليفون البيت، فردت وعرفت إن التليفون وقع منها”.
وأضاف: “عرفت منها التليفون وقع فين، وروحت مكان ما وقع، وبالفعل سألت رجل أمن عليه ولقيته، وكلمتها قولتلها إني لقيته، وكان الموقف ده سبب في أننا قربنا من بعد، وبدأنا نخرج مع أصحابنا”.
كيف تسبب حازم إمام في إشعال غيرة أحمد حلمي على منى زكي؟
أحمد حلمي يكشف الشرط الوحيد لحماه قبل زواجه من منى زكي
