أحمد حلمي: أجري في فيلم عبود على الحدود كان 5000 جنيه

سرد الفنان أحمد حلمي بداية تعارفه على المخرج الكبير شريف عرفة، ذاكرًا كواليس أول لقاء جمعه به، عندما طلبه في فيلم “عبود على الحدود”.

وقال أحمد حلمي خلال استضافته ببرنامج صاحبة السعادة، مع إسعاد يونس: “شريف عرفة من الأشخاص اللي عملولي نقلة كبيرة جدا في طريقي وحياتي عموما”.

وأضاف: “اشتغلت معاه قبل فيلم “عبود على الحدود”، وكنت مساعد مساعد مساعد ديكور، ده غير اننا زمان كنا بنروح الفيلم ع اسم شريف عرفة”.

وتابع: “ولفت الايام وجالي تليفون من مكتب الإنتاج، وكان فيلم “عبود على الحدود”، وروحت قابلت شريف، وقالي احنا عندنا فيلم وعايزينك فيه، وعملي الكاست بنفسه وقالي غني اي حاجة، وغينت جانا الهوا، وبعدها طلب مني أغنيها بشكل كوميدي، فغنيتها وقالي تمام روح مكتب الإنتاج هتاخد منهم نسخى من السيناريو”.

واختتم حديثه: “روحت مكتب الإنتاج وقالولي تاخد كام، فطلبت 10 آلاف، ولكنهم قالولي ميزانية الدور 5 آلاف بس، فوفقت، وأنا مروح في الطريق قولت أبص في السيناريو، لقيت إن دوري مساحته كبيرة، فكلمتهم علشان اتاكد انه دوري فعلا، وبالفعل كان دور شخصية سعيد من نصيبي”.

كيف يتعامل أحمد حلمي مع ابنته لي لي؟

“طلع البدر علينا”.. اختارها أحمد حلمي باختبارات كلية موسيقية وكانت النتيجة هكذا