خالد تاج الدين عن “TAG RAP”: “عايز أعمل حاجة شبه اللي عملوا Eminem”
كشف الشاعر خالد الدين، التفاصيل الخاصة بمشروعه الجديد الذي يحمل اسم “TAG RAP”، وسيطلقه قريبًا من أجل دعم مواهب الراب، وتقديم فرصة للإبراز موهبتهم.
وقال خالد تاج الدين لـ”القاهرة 24″: ” فيه ناس كتير بتغني راب في مصر، بس مش عندها أدوات ولا استديوهات تسجل فيها، فأنا بدوّر على الناس الموهوبين في مجال الراب، علشان أنتجلهم أغاني، وممكن أغني معاهم وممكن لا”.
وتابع: “وأنا عايز أعمل حاجة شبه اللي عملوا Eminem، من حيث اكتشافه لمواهب كتيرة أصبحوا نجوم عالميين الآن، زي fifty cent، بس أنا مش هنقي غير الناس الموهوبة بجد، لإن الراب مش سهل خالص، ولازم اللي يعملوا يبقى موهوب”.
خالد تاج الدين لـ”القاهرة 24″: “أدخل عالم الفيديو كليب بأغنيتي الراب الجديدة”
ويعمل خالد تاج الدين، في الفترة الحالية على أغنية جديدة تنتمي لنوعية أعمال الراب، بعد طرحه لأغنيته “يخربيتك زن” والتي تنتمي إلى نفس النوعية.
وكشف خالد تاج الدين في تصريح خاص لـ”القاهرة 24″، تفاصيل تلك الأغنية، وقال إنها تنتمي لنوعية الراب ويتعاون بها مع الموزع جي اتش، وسيطرحها خلال الأيام القادمة، كما سيصورها على طريقة الفيديو كليب، كأول تجربة له في عالم الكليبات.
خالد تاج الدين يطلق مشروعًا لدعم مواهب الراب (صورة)
