السيسي: “أنا بعمل عشان الناس مش عشان حد”
قال الرئيس عبد الفتاح السيسي: “لما بدأنا في خطة شرق العاصمة، كل الناس قالت إننا بنعمل لخدمة مصر الجديدة ومدينة نصر، أنا بعمل عشان الناس، وإحنا بنرحمكم بحركة كويسة سهلة، الطرق دي بيعدي عليها 2 مليون سيارة يوميًا”.
وقال السيسي، خلال حديثه للمواطنين على هامش افتتاح عدد من المشروعات القومية، إنه يراهن على “وعي المصريين”، خلال المشروعات التي يقوم بها، والتي تخدم المواطنين.
وأكد الرئيس، أن المشروعات القومية يتم تدشينها من أجل مصر، والدولة المصرية، مشيرًا إلى أن الدولة هي الشعب المصري، وأن الشعب هو من يتحمل كل شيء، لأنه هو الدولة، مراهنًا على وعي المصريين.
السيسي خلال افتتاح مشروعات قومية: “العاصمة الإدارية واخدة في 7 سنين 380 مليار جنيه”
وأضاف: “أوعى تتصوروا إننا هنزيل ونسيب الناس، إحنا بناخد الناس في أي إزالة وبنعوضهم ودي ثوابت عندنا”، متابعًا: “فيه ناس موجودة كل هدفها تشككوا وتخوفوكم وبيصتادوا في المية العكرة”.
واستكمل: “اللي إنتم بتشوفوه ده، وبقولها للإعلام والمواطنين، هو ده الحال، نصلحه ولا نسيبه، طيب نصلحه على حساب الناس ولا الدولة، اللي هي الدولة الشعب المصري، اللي بنعمله بيتحمله الشعب المصري كله.. وأنا براهن على الشعب المصري”.
لحظة وصول الرئيس السيسي مقر افتتاح عدد من المشروعات القومية (فيديو)
