السيسي: “الناس محدش يقدر يخدعهم بالكلام”

قال الرئيس عبد الفتاح السيسي، رئيس الجمهورية، إنه لا يستطيع أحد خداع المواطنين، وأن مصر تسير في مسار الإصلاح، وذلك خلال افتتاحه عددًا من المشروعات القومية، ومنها مجمع التكسير الهيدروجيني، بمسطرد بالتعاون مع القطاع الخاص، والذي بلغت استثماراته نحو 3.4 مليار دولار، وتعمل وحداته الإنتاجية بطاقة تصل إلى 4.7 مليون طن سنويًا من مختلف المنتجات البترولية عالية القيمة.

وأردف السيسي: “الناس محدش يقدر يخدعهم بالكلام.. وإحنا ماشيين في مسار إصلاح، والناس تتفهم ده وتتحمل التكلفة” مضيفًا: “بفضل الله الناس بتتكلم عن مصر، ورغم اللي بيحصل في العالم في ظل توقف حركة السياحة، وتأثر حركة التجارة الدولية.. مصر فضلت بخير علشان ربنا وبخير علشان شعبها تحمل، وطول فما فيه استقرار هنفضل نعمل كده”.

وأضاف رئيس الجمهورية: “مشاريع كتير وقفت في الدولة بسبب عدم الاستقرار وتعرضت للانهيار أو تعرضت لخسائر كبيرة، واتخصمت من الناتج المحلي من الدولة، وبقت أصحابها في مديونية، ونحاول نحل المسألة دى، وتابع لافتًا: “وفرنا 100 مليار جنيه؛ من أجل تعويض أصحاب المشروعات”.

السيسي: لن يتم إجراء أي إزالات على حساب الناس

وفي سياق متصل، قال الرئيس عبد الفتاح السيسي، إن هناك جهات تختار دائمًا الظروف العصبة لكي تشكك الناس فيما يحدث حولها من إنجازات، مردفًا: “هما بيختاروا ظروف صعبة عشان يشككوا المصريين في اللي احنا بنعمله، هو رهان عليكم وانتو متفهمين ومقدرين ما يحدث، وبتتحملوا كل شيء”.

وتابع السيسي: “اللي بيتعمل في مصر بيتعمل بيكم انتو، الشعب والدولة حاجة واحدة.. ومحدش يدخل بينا ومحدش يقدر يدخل بينا، ورهاني على الناس، والحمد لله طول السنين اللي فاتت الرهان دايما كسبان”.

السيسي للمصريين: “الرهان عليكم.. وانتو متفهمين ومقدرين ما يحدث”