ليا كلام تاني .. أحمد حلمي يعلق على ظهور منى زكي في بوستر صندوق الأسود
دعم الفنان أحمد حلمي زوجته الفنانة منى زكي في أحدث أعمالها الفنية فيلم “صندوق الأسود”، حيث نشر صورة البوستر الدعائي الأول للفيلم، المقرر طرحه بدور عرض السينمائية خلال الفترة المقبلة.
وشارك أحمد حلمي البوستر الدعائي للفيلم عبر حسابه الشخصي على موقع تبادل الصور والفيديوهات القصيرة “انستجرام”، وعلق علي البوستر التي ظهرت فيه منى زكي مكتوفة الأيدي، مازح بتعليق قائلًا :”بالنجاح والتوفيق، وأنا ليا كلام تاني مع اللي كتّفك كده”.
أحمد حلمي: “كنت بتنطط جنب النجوم لحد البطولة المطلقة”
وسبق أن سرد أحمد حلمي قصة حبه مع زوجته الفنانة منى زكي، وذلك خلال لقائه ببرنامج “صاحبة السعادة” مع الإعلامية إسعاد يونس، على قناة DMC، وقال: “بالنسبالي كانت ممثلة جميلة وكنت معجب بيها، ووقتها كنت بشتغل في برنامج “لعب عيال”، وجاتلي مكالمة من المنتج محمد فوزي، أنه عايز يقابلني، فقولتله تمام”.
وتابع: “يومها روحت وكنت لسة مخلص شغل وكنت عرقان وريحتي وحشة، وبمجرد ما وصلت ودخلت اكتشفت إن منى زكي موجودة في الاجتماع اللي بيني وبين محمد فوزي، وقتها قولت لنفسي ايه القرف ده، وليه تشوفني بالشكل ده، خدت تليفوناتها، وكلمتها ع الموبايل ماردتش كلمتها على تليفون البيت قالت لي إن التليفون وقع منها، وعرفت منها التليفون وقع فين، وروحت مكان ما وقع، وبالفعل سألت رجل أمن عليه ولقيته، وكلمتها قولتلها إني لقيته، وكان الموقف ده سبب في أننا قربنا من بعد، وبدأنا نخرج مع أصحابنا”.
يذكر أن آخر أعمال أحمد حلمي في السينما كان فيلم “خيال مآتة”، والذي عرض في موسم عيد الأضحى العام الماضي، وشارك في بطولته كل من منة شلبي، خالد الصاوي، حسن حسني، عبد الرحمن أبو زهرة، بيومي فؤاد، لطفي لبيب، إنعام سالوسة، ياسر الطوبجي، وتأليف عبد الرحيم كمال، وإخراج خالد مرعي.
View this post on Instagram
بالنجاح والتوفيق وانا ليا كلام تاني مع اللي كتفك كده ??A post shared by Ahmed Helmy (@ahmedhelmy) on Sep 30, 2020 at 12:41pm PDT
