الشاعر أحمد المالكي عن تامر حسني: “نفسه يساعد أي حد عنده موهبة” (صورة)
تحدث الشاعر الغنائي أحمد المالكي، عن تعاونه الأول مع الفنان تامر حسني، مادحًا إياه كفنان يكترث لاكتشاف المواهب الجديدة ويحب مساعدة الشباب.
وكتب المالكي عبر حسابه الرسمي بموقع التواصل الاجتماعي “فيس بوك”: “يوم فارق في حياتي.. كنت بكتب أغاني ولسة في أول الطريق، وبحاول وبدور على سكة ومعايا ملحن جديد برضه وعايزين حد يسمعنا، ومحدش بيسمع”.
وتابع: “جبت رقم نجم كبير قوي بسمع عنه كلام حلو جدًا وأنه مش بيفرق معاه أسامي ونفسه يساعد أي حد عنده موهبة، بعتله رساله قولتله إني عندي حاجة حلوة ومش هاتندم لو سمعتها”.
وأضاف: “اتصل في ساعتها وبعدها بنص ساعة كنا عنده في البيت.. استقبلنا أحسن استقبال وكأننا نجوم كبار.. سمعنا واقتنع بينا وخد أول أغنية نزلت ليا في السوق.. الأغنيه كانت “إرتاح” والنجم ده كان تامر حسني”.
تامر حسني يؤجل طرح ألبوم “فولاذي” لهذا السبب
واختتم المالكي: “ومن يومها وإحنا بننجح مع بعض وبنحب بعض كأننا أهل مهما غيبنا، وبفرح بكل خطوة بياخدها وكل درجة بيكبرها، وهو كمان بيحبني قوي وبيفرح بنجاحي.. ولسه مكملين بإذن الله بعمل قوي جدًا قريب إن شاء الله شكرًا من كل قلبي يا تيمو”.
الشاعر رمضان محمد: “تامر حسني مش نجم الجيل”
وبالتزامن مع اقتراب طرح ألبوم “خليك فولازي” الجديد لتامر حسني يروج مؤلفي أغاني الألبوم له، حيث تحدث الشاعر الغنائي رمضان محمد عن تعاونه معه، واصفًا إياه بـ”العالمي”، ونشر عبر حسابه بـ”فيس بوك” منشورًا ليمدح الفنان قائلًا: “تامر حسني مش نجم الجيل، كلامي ده ياريت تركزوا معاه، لأن الحقيقة إن تامر حسني فنان مصري عربي عالمي، دايما بشغله بيثبت إنه في الصفوف الأولى سواء غناء أو تمثيل أو إعلانات”.
واستكمل: “فحرام نظلمه ونقول نجم جيل والناس اللي فاكرة إن تامر فرحان باللقب ده، أنا متأكد إنه مش فارق معاه وده شعور أي صانع حقيقي ومبدع، بيفرح لما ينجح وشغله يعلم مع الناس مش بلقب محدود بجيل أو زمن، تامر حسني أيقونة نجاح ودافع لينا كلنا طول الوقت”.
