سامي مغاوري لمنتج تجاهله: “هاتعمل إيه لما وشك يبقى في وشي؟” (صورة)
عبّر الفنان سامي مغاوري، عن استيائه من شركات الإنتاج التي تتفق معه على المشاركة في عمل ما، وتنسحب بعدما يطلب أجرًا معينًا أقل من الآخرين.
وكتب مغوري على حسابه الشخصي بموقع التواصل الاجتماعي “فيس بوك”: “صباح الخير عليكم أفضفض معاكم شويه أنا واحد من جيل الممثلين السابق من زمن مضى بحلوه ومره، ومع ذلك ماباحبش أقعد أقارن بين زمنا والزمن دلوقتي لا أقول شوفوا تمثيلنا من تمثيلكم ولا درامتنا من درامتكوا”.
وأضاف: “لأن كل زمن له جماله وعناصره وظروفه وبتجاوز في أحيان كتير عن إهدار حقي أو عدم تقديري المادى والمعنوي وبقول المهم الفن وشغلك والناس اللي بتحبهم وبيحبوك، وعلى سبيل المثال مسلسل هايتعرض وأنا من أبطال العمل وبعدين مالاقيش أي تنويه عن وجودي في العمل”.
وتابع: “لابوست ولا بوستر ولا حتى اسمي في أي خبر باسكت مضطر وبتمنى النجاح للعمل وبتبقى دي كل أمنياتي، لكن ما يتعلق بأخلاق المهنة ماباسكتش وصوتي بيعلى”.
وأردف: “وعلى سبيل المثال لما منتج فني يكلمك في عمل وبعدين المخرج يكلمك ويقول فيك شِعر وييجي أوان الاتفاق على الفلوس فتطلب الرقم الغلبان اللي بيزق الحياة معاك فتلاقي مدير الإنتاج جاتله صدمة فتقعد تتفاوض معاه ويقولك طيب أنا هارجع للشركة وأرد عليك”.
واستكمل: “وتستني 3 أو 4 أيام وبعدين تلاقي خبر على الفيسبوك بأسماء الأبطال وفيهم الممثل اللي جابوه مكانك من غير حتى ماحد يكلمك ويعتذرلك حتى أنك مش موجود معانا للأسف أو خيرها في غيرها أنا بقي اسمي اللي بيحصل ده أيه؟”.
واختمم سامي قائلًا: هاتعمل إيه لما وشك ييجى في وشي؟، عمومًا الأيام بيننا بس في زماننا بقى مكانش ده ممكن يحصل”.
ويشارك مغاوري في عدد من الأعمال الفنية ومنها مسلسل “الشركة الألمانية لمكافحة الخوارق” الذي عُرض مؤخرًا عبر منصة شاهد، كما تعاقد على مسلس “عمر الناجي” للفنان أمير كرارة وكريم محمود عبد العزيز وللمخرج بيتر ميمي.
سامي مغاوري يكشف موعد عرض الجزء الثاني من مسلسل “قوت قلوب”
سامي مغاوري أحدث المنضمين لفيلم “قبل الأربعين” مع داليا مصطفى (صور)
