الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد السقا يعتذر لتامر حسني: “يعلم الله كم كنت مجروحًا” (صورة)

القاهرة 24
فن
الأحد 11/أكتوبر/2020 - 12:00 م

وجه الفنان أحمد السقا، رسالة لصديقه الفنان تامر حسني ليعتذر له، بعدما رد الأخير عليه أمس ليوضح حقيقة الخلاف الذي حدث بينهما بسبب مشهد السقا في فيلم “الفلوس”.

وكتب السقا عبر حسابه الرسمي بموقع التواصل الاجتماعي “فيس بوك” في منشور:” رسالة إلى صديق عزيز.. صديقي وأخي العزيز تامر حسني.. أنت عارف اللي بيني وبينك عيش وملح وحاجات كتير”.

وأضاف: “قد أكون اخطأت أنى اتكلمت في الموضوع على الهوا ولكن يعلم الله كم كنت مجروحًا وكم كنت حزينًا.. مش هاطول عليك أكثر من كده ولو أنا زعلت شويه وأنت شويه نبقى خالصين يا عم”.

وأختتم السقا المنشور قائلًا:” تامر حسني أحنا اللى بينا كتير ماتزعلش يا عم وحقك عليا.. وميعادنا الحفله اللى جاية.. أحمد السقا”.

تامر حسني يرد على أحمد السقا: “كنت أتمنى الكلام يبقى بيني وبينك.. بس الجمهور حقه يعرف الصح”

أحمد السقا عبر فيس بوك
أحمد السقا عبر فيس بوك

ونشر تامر حسني أمس “استوري” عبر حسابه بـ”انستجرام” ليرد على السقا، حيث أوضح إنه لم يقصد مضايقته، قائلًا: “حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لإن الحاجات دي لا يمكن تفوتك وأنا كنت أتمنى مكتبش الكلام دا هنا بس عشان بعد كلامك في التلفزيون الجمهور الكريم بقى ليه حق إنه يفهم الصح، عشان أفكرك بس، أنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم”.

وأضاف:” وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا لأن الفيلم متباع للخارج والداخل باسم أخوك تامر حسني وأصلًا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش وعلم من إيه الحقيقة كان ممكن تزعل لو الكلام دا نزل على صفحتي أو صفحة الشركة المنتجة”.

وأردف:” وبعدين يا حاج أحمد لما أنا جيتلك مسلسلك حصل اجتهادات كتير من محبينك الكرام شويه يقولوا المسلسل بطولتنا وشويه يقولوا لا دا ضيف شرف بس وأنت عارف إن عمري ما عملتها وطلعت ضيف شرف غير ليك، دا أنت طبلتي أجي أصور الساعة 8 الصبح كنت عندك في نص ساعة عشان فكرة طلعت في دماغك فجأة”.

وأختتم حسني حديثه قائلًا: “جيت لإنك غالي عندي أوي أوي فوق ما تتصور، وكنت بفرح باحتهادات محبينك ومحبيني حتى لو صورتي صغيرة أو كاتبين بطولة أو ضيف شرف كل دا مش فارق لإني جيت أخدم صديق عمري وأتمنى أي كلام يصب في مصلحة مسلسل أخويا وينجح ويكسر الدنيا، أنت حبيبي يا أحمد وصديق عمر عشان كدا أنا مش هزعل منك معلش طولت في الكلام لإن برضو زعلك يعز عليا”.

أحمد السقا: “تامر حسني عمل معايا موقف أثر عليا نفسيًا.. بس أنا مسامحه” (فيديو)

تابع مواقعنا