• بحث عن
  • رانيا يوسف: “بصحى من النوم ألاقي نفسي تريند.. وماليش في السوشيال ميديا”

    يمنى شريف

    قالت الفنانة رانيا يوسف، إنها تتعجب من كون اسمها دائما يتعلق بالإثارة والجدل في كل صورة أو مقطع فيديو تنشره عبر حساباتها الشخصية على مواقع التواصل الاجتماعي المختلفة، مؤكدةً بأن ابنتها هي من تدير حساباتها على السوشيال ميديا.

    وأضافت رانيا يوسف خلال لقائها في برنامج “مساء Dmc” الذي تقدمه الإعلامية إيمان الحصري عبر شاشة “dmc”: “أنا بصحى من النوم بلاقي نفسي تريند، كل صورة بنزلها بلاقي مرة واحدة بقيت تريند ومعرفش إيه السبب”.

    وتابعت رانيا: “بنتي هي اللي ماسكة كل الصفحات والإيميلات بتاعتي، أنا مليش في السوشيال ميديا خالص مش زي ما الناس فاكرة”.

    كشفت الفنانة رانيا يوسف، تفاصيل إطلاقها حملة “افضح متحرش” التي اشتعلت مواقع التواصل الاجتماعي، في الفترة الأخيرة، تزامنًا مع القبض على الطالب أحمد بسام زكي والمعروف إعلاميًا بـ”متحرش الجامعة الأمريكية”.

    وقالت رانيا : “في مرحلة ما تعرضت للتحرس أنا وبنتي الكبيرة وده وجعني جدا الأماكن الزحمة بقت بتخضني هي والناس الكتيرة، وده بيتعبني لأن بنتي كانت معايا وأنا معرفتش أحميها”.

    وتابعت: “وجت الحادثة دي عشان الستات تيجي وتقول إنها قوية والمتحرش لو عارف إنه بيتصور هيخاف يمكن يخاف على عيلته، زمان في مصر كان في المناطق الشعبية كانوا بيقصوا شعره عقابًا وبيعلموا عليه، فأنا بفضحه عشان أنت لازم تتدمر زي ماهي اتدمرت، مافيش مبرر للتحرش انت بتتحرش بواحدة قالعه أو طفل وستات بتتحرش بستات ورجالة بتتحرش برجالة التحرش موجود في كل دول العالم، ولكن برا في قانون رادع”.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    زر الذهاب إلى الأعلى

    إغلاق