شحتة كاريكا: “إحنا مع هاني شاكر ومينفعش نيجي على النقابة” (فيديو)

وقف اليوم مطرب المهرجانات شحتة كاريكا، أمام لجنة اختبارات الأصوات الجديدة، بنقابة المهن الموسيقية، من أجل الحصول على موافقة اللجنة لانضمامه للنقابة.

وقال شحتة كاريكا لـ”القاهرة 24″: “النهاردة أنا في النقابة، عشان طلبوا مني ورق وقدمته، وعملت الامتحان وطالع مبسوط، علشان كل واحد يبقى عارف هو رايح فين، وأستاذ هاني شاكر عملنا لجنة وإحنا معاه، عشان الدنيا تبقى أحسن من الأول”.

وتابع: “عايزين نعرّف الدنيا كلها إن إحنا مطلعين حاجة، فيها راب ومهرجان شرقي ومهرجان غربي، والحاجات دي بقالها سنين، وإحنا حاليا بنصنع البهجة والغنا والمزيكا”.

وتابع: “مينفعش نيجي على النقابة، والدنيا كلها حابة إن إحنا نبقى ماشيين بورق، علشان البلد خلاص اتظبطت، ومتبقاش الدنيا سبهللة”، مشيرا إلى أن تلك هي المرة الثانية له، لمثوله أمام اللجنة، وقال إنهم في المرة الأولى طلبوا تعلم بعض الأشياء، وبالفعل استجاب لذلك واجتهد على نفسه.

شحتة كاريكا يصل “المهن الموسيقية” لخوض اختبارات الأصوات الجديدة

حسن شاكوش قبل خضوعه لاختبارات “الموسيقيين”: “مش هنغني إسفاف ولا ألفاظ خارجة” (فيديو)