أسما شريف منير تشيد بتعامل زوجة والدها: “عمرنا ما اتخانقنا.. بتقف جنبي”
عبّرت خبيرة التجميل أسما شريف منير عن حبها لزوجة والدها “لورا”، موضحةً أن الصورة التقليدية لزوجة الأب ليس في المطلق شريرة وتكره الخير لأبناء الزوجة الأولى كما أشيع منذ زمن في الأفلام والمسلسلات، فهي لديها نموذج عكسي لتلك الصورة المرسخة في الأذهان.
ونشرت أسما صوة زوجة والدها “لورا” عبر حسابها الشخصي على موقع تبادل الصور والفيديوهات القصيرة “انستجرام”، وعلقت قائلةً: “الست الجميلة اللي في الصورة دي هي لورا مرات أبويا!، إيه ده هو في مرات أب حلوة كده أومال فين الحوافر والعيون الشريرة، مش مرات أب؟ يبقي أكيد لازم تكون شريرة وبتعذب الولاد وبتشغلنا في البيت هههه، ده اللي المجتمع والأفلام دايمًا بيصدروه، بس الحقيقة إن الست دي من أطيب وأجمل وأجدع الستات اللي في الدنيا، عمرنا ما اتخنقنا يمكن اختلفنا مرة بس”.
وأردفت: “عمرها ما اتعدت على حقوقنا ولا التزمات أبويا لينا، أم أخواتي أو بناتي عشان هما صغنانين، هي عيلتي وحبيبتي، لما بزعل مع أبويا بتقف جنبي حتى لو هيتخانق معاها، أنا و هي أصلًا شخصيتنا قريبة من بعض بتفهمني وبتحس بيا، أنا عمري ما اتكلمت عنها عشان هي بعدت عن الأضواء من زمان، بس حسيت إني لازم أقولها إني بحبها وبحترمها وأديها حقها، وعشان أقول لاأي ست لو إنتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك فوق رأسه، بحبك يا لولو أوي وربنا يخلينا لبعض كلنا دايمًا وشكرًا على كل حاجة حلوة عملتيهالي”.
View this post on Instagram
أسما شريف منير توجه نصائح لجمهورها عن فوائد النوم: “مضيعوش عمركم” (فيديو)
“خليكوا ضهرنا”.. رسالة أسما شريف منير لرجال مصر (صورة)
