مرتضى منصور: سلامة أصغر لاعب في الأهلي بكل بطولات الدنيا

تحدث مرتضى منصور رئيس مجلس إدارة نادي الزمالك، عن أزمة تأجيل مباراة الفارس الأبيض أمام الرجاء المغربي ضمن منافسات دوري أبطال إفريقيا.

وقال مرتضى منصور في تصريحات تليفزيونية: “أنا بقول اهو حياة وصحة أصغر لاعب في الأهلي مش بقى في الرجاء بس ب 100 بطولة وده اللي اتعلمناه ودي الأخلاقيات وده اللي لما حسني مبارك الله يرحمه اسقطوا نظامه كنت أنا الوحيد الي يطلع ادافع عنه رغم أنه اعتقلني كذا مرة وكان كله مستخبي تحت السرير”.

وأضاف: ” اتنين من الفريق الرجاء بيتقال النهارده أنهم جالهم كورونا وبقوا 12 لاعب طب أي أخلاق لينا كنادي الزمالك وكمصريين اقول لا لازم نلاعبه وهما عيانين ونخلص عليهم”.

واستكمل: “هو اشمعني مرتضى منصور اللي طلع لما المصري والأهلي والكابتن محمود الخطيب صمم يلاعب المصري وهما عندهم لاعيبة عندها كورونا وأنا اللي طلعت عاتبت الخطيب وقولتله ازاي تلاعبهم وعندهم ناس تعبانه”.

وواصل رئيس القلعة البيضاء: “الناس بتكلمني من المغرب من الصبح وبتقولي نادي الزمالك ده حاجه كبيرة اوي عندنا”.

وأردف: ” الاتحاد الإفريقي عندكم أهو والبيان معاكم هل مكتوب فيه كلمة أن القرار اتاخد علشان مرتضى منصور موافق”.

واستمر: ” لما إحنا جينا وقت بداية الدور نصف النهائي وكان المفروض يتلعب في شهر نوفمبر وأحمد أحمد كلمنا كلنا وأنا قولتله مش موافق على التأجيل علشان مكنش فيه أي حالات كورونا ظهرت بين الاربع فرق علشان نخلص من عمرو الجنايني وقرفه وكلم الخطيب وقاله انا مش موافق على التأجيل وكلم سالم الشمسي قاله نفس الكلام”.

وتابع: لما الكاف عمل الفيديو كونفرنس أنا وبيراميدز صممنا على موقفنا ومحمود الخطيب غير رأيه وكنت أنا وقتها قايل رافض وأجله شهر عادي”.

وأختتم مرتضى منصور: انتم عايزين إيه تاني أنا لو جبل كان وقع لكن احنا بنتكلم عن هرم اسمه الزمالك زي ما بنتكلم عن هرم اسمه الأهلي والاتحاد والمحلة والمنصورة والإسماعيلي”.

مرتضى منصور: الإسماعيلي بوابة الزمالك لحسم وصافة الدوري

مرتضى منصور: الأسود لا تهرب وقت الحرب مثل الفئران