جميلة عوض: “أنا ضد التنمر لمرضى البهاق.. والميك أب كان صعب جدًا”
علقت الفنانة جميلة عوض على دورها في مسلسل “إلا أنا ” والذي تصدر ترند جوجل بعد عرض أولى حلقاته، أمس السبت، حيث لاقت الحلقة ردود أفعال قوية واهتمامًا من الجمهور.
وقالت إن دورها عبارة عن قصة فتاة مصابة بالبهاق من صغرها ومن يصاب به من صغره يتعرض للتنمر طول حياته مقارنة بمن يصاب به في مرحلة عمرية أكبر، ويعكس المسلسل الحياة الاجتماعية للمصابات بالبهاق وكيفية التعايش معه، فهي نموذج للتحدي والتعايش مع المرض وتحقق ذاتها في عملها، كاشفةً أنها قرأت كثيرًا عن المرض بشكل علمي قبل أداء الدور لكنها اعتمدت في أداء دورها من ناحية المشاعر على مشاهدة مصابات في فيديوهات مختلفة عبرن فيها عن تعايشهن مع المرض ومأساتهن.
وأردفت، أنها تلقت رسائل كثيرة من مصابات كثر أصبن بمرض البهاق، قائلةً: “جالي رسايل كتيرة من إمبارح من مصابات بالهاق وقالولي نفس المشاعر الي بنحس بيها لما بنبص في المراية، الميكب كان تحدي صعب كان يومياً يستغرق سبع ساعات لحنكة الدور وده دور طارق مصطفى، والميكب كان صعب جدًّا لأني بمثل دور فتاة مصابة بالبهاق فطول وقت الإعداد للميكب كان حد ماسك إيدي وحد ماسك وشي عشان يعمله كويس، مش عايزة أكون متحيزة في القصة دي بالذات المتعلقة بمرض البهاق لأنه غلس للطرفين رجال ونساء وأنا بعمل بحث على الغنترنت لقيت رجالة في فيديوهات بتعيط على مواقف تعرضوا ليها زي ازاي المدرس مازعقش للطلبة زمايلهم في المدرسة لما تنمروا عليهم بسبب البهاق، وللأسف رغم إن بقوا رجالة كبار بس لسه المواقف معلقة في أذهانهم منذ وقت المدرسة لكن عامة السيدات يتعرضن للتنمر بشكل أكبر لأن الأمر متعلق هنا بمعايير الجمال والجمال مرتبط بالست أكتر من الراجل وإزاي هتتجوز؟ وازاي هتختار الراجل؟ عشان جزء كبير من مقاييس الست هي الجمال”.
وحول الرسالة التي ترغب في إيصالها، قالت: “الرسالة ضد التنمر وضد مقاييس الجمال الخاطئة لأن محدش نزلنا بكتالوج لما ولدنا إن دي معايير الشكل الحلو والمعايير الآن هي معايير نسبية وأي كتالوج احنا الي عملناه وهخدي مثال على ذلك هي النمش مثلاً كان مشكلة زمان دلوقتي دخل في معايير الموضة وبقى فيه ناس كتير بتعمله في الميكب ليه ما نتعاملش مع المرض زي النظارة والنمش؟”.
وحول أعمالها القادمة، اختتمت حديثها: “اتعرض عليا أعمال كثيرة وأنا بصور المسلسل الحالي لكن دوري في المسلسل الحالي كان شاق جدًا خاصة إني كنت بستغرق في الميكب تقريبًا 7 ساعات وكان يوم التصوير 21 ساعة ووصل إلى 24 ساعة فأنا جتلي حاجات ملحقتش اقرأها بس هقرأها لما اخلص تصوير بقية المسلسل هقرأها وأرد على الناس، للأسف مكنش فيه وقت بس ده أسرع سيناريو وافقت عليه وحبيته وأي دور فيه تحدي بجيبني على طول بيبقى عامل زي الطُعم”.
افتتاح الدورة السادسة من مهرجان الإسكندرية للفيلم القصير بحضور جميلة عوض وعمرو عابد
“إلا أنا” أول مسلسل مصري يناقش مرض البهاق
