مرتضى منصور: الأسود لا تهرب وقت الحرب مثل الفئران
كشف مرتضى منصور رئيس مجلس إدارة نادي الزمالك، أنه يتعرض لحرب كبيرة من العديد من الأطراف خلال الفترة الماضية.
وقال مرتضى منصور في تصريحات تليفزيونية: “أنا جالي فيديو يوم فوز الزمالك على الرجاء، حوالي 15 عيل بيشتموا رئيس الزمالك ولابسين فانلة الزمالك، طب أنت كسبان الرجاء هناك طب بتقل أدبك ليه علشان أنت قابض من قطر طب أنا هديك بالجزمة علشان أنت مش من الجمهور أنت عيل قبيض وبتقبض”.
وأكد رئيس القلعة البيضاء أنه يتعرض لحرب كبيرة قائلًا: “احنا في حرب مع ده ومع ده وبستحمل علشان النادي وأنا ممكن أقول الزمالك عاملي إيه أنا دماغي وجعاني وأنا واحد من أشهر المحامين في الوطن العربي بس أنا مهربش الأسود مبتهربش الفئران هي اللي بتهرب”.
واستكمل: “هو ده وقته تعملوا مشاكل للنادي وأنا ورايا إفريقيا أنا هخلص وأوريكم، مش في عيل راح قعد مع محمد عبد اللطيف وخلاه على الرصيف يقول أنا عايز أوضه وفلوس وأساء للنادي ورحمة أمي ما هسيبك وهتشوف ما هتهوب النادي تاني”.
واختتم تصريحاته: “كل اللي بيعملوه الخونة دول ولا يضايقني ولا يهز شعره من رأسي بس أنا عايز افهم انت بتقبض علشان تعملوا مشاكل للزمالك بأي طريقة ليه”.