إيهاب فهمي يكشف حقيقة وفاة نشوى مصطفى
ترددت خلال الساعات القليلة الماضية عبر مختلف مواقع التواصل الاجتماعي، نبأ وفاة الفنانة نشوى مصطفى بعد إصابتها بفيروس كورونا.
وأوضح الفنان إيهاب فهمي حقيقة الوفاة، وكتب عبر حسابه الشخصي على موقع التواصل الاجتماعي “فيس بوك”: “نشوى مصطفى بخير ومافيش أي حاجة وهتقوم بالسلامة إن شاء الله خلال أيام وبلاش إشاعات كاذبة المصدر الوحيد هى نفسها وأسرتها ونقابة المهن التمثيلية وغير هذا كذب من ناس مغرضة نشوى زي الفل بإذن الله”.
وقالت نشوى مؤخرا خلال مداخلتها الهاتفية مع الإعلامي وائل الإبراشي في برنامج “التاسعة”: “أنا عرفت إني عندي كورونا يوم الثلاثاء اللي فات، وكان عندي أعراض من يوم الخميس اللي قبله، وكنت مفكرة برد عادي، وبدأت أخد مكنات عادية”.
وتابعت: “وبعدها الحياة بدأت تنط يوم الاتنين، ألم لا يحتمله بشر في جسمي كله وفي صدري، وبعدين ولادي جابولي دكتور في البيت، وطلب أشعة مقطعية، ووبالفعل نزلنا عملناها، وبعدها اكتشفنا إنها كورنا، فالدكتور كتبلي بروتوكول دواء، ولكن معمليش حاجة خالص، وابتديت أتعب أكتر، فولادي جابولي دكتور تاني ببروتوكول تاني، وبرضو معمليش حاجة، وابتدى وشي وشفايفي يزرقوا، ومش قادرة اتنفس أو أخذ نفسي، فنزلوا يلفوا على مستشفيات، وكلهم رفضوا وقالوا مش بناخد كورونا”.
