أحمد فتحي يودع النادي الأهلي وجماهيره قبل الانتقال لبيراميدز
أصدر أحمد فتحي لاعب بيراميدز بيانا لوداع جماهير المارد الأحمر، بعدما قضى أكثر من 12 عامًا بين صفوف وجدران القلعة الحمراء.
وجاء نص البيان: “لحظات يصعب فيها الكلام.. لحظات يصعب فيها التعبير.. خاصة وأنت بتخاطب أطراف كلها عزيزة عليك.. ولها مكانة خاصة فى قلبك.. وكمان عشت معاهم أحلى 12 سنة فى حياتى.. 12 سنة كلها انتصارات وبطولات وأفراح.. وعايز أقول لو عقود الاحتراف المكتوبة بتنتهي.. عقود الحب والود والاحترام بيني وبين كل منظومة النادي الأهلي لن تنتهى.. أعذروني لحظات قاسية .. وأي قسوة وأنت تغادر حبايبك اللى قضيت معاهم سنين فى النادي الأهلى.. بيتى.. وهيفضل بيتى.. حتى لو كان القدر كتب لى خطوة جديدة.. وهيفضل جمهور الأهلي اللى حبني وساعدني ووقف جنبي .. هيفضل سندى.. لأنه جمهور وفى.. جمهور أصيل.. ربنا يشهد أنني لم أقصر لحظه لا فى حق النادى.. ولا حق جمهوره.. وبذلت أقصي ما أملك حتى آخر لحظة.
لحظات يصعب فيها الكلام .. لحظات يصعب فيها التعبير . خاصة وأنت بتخاطب أطراف كلها عزيزة عليك . ولها مكانة خاصة فى قلبك ….
Posted by Ahmed Fathi on Sunday, November 8, 2020
وتابع اللاعب في بيانه “أتمنى أكون قدمت ولو جزء من اللى يستحقه الأهلي وجمهوره.. فى هذه اللحظة الصعبة على نفسى.. عايز أسجل شكري للنادي الأهلي وإدارته وعلي رأسها المحترم الكابتن محمود الخطيب.. وكل الشكر للجماهير اللي مهما تكلمت مش هقدر أعطيها حقها.. شكرا لكل المدربين اللي ساعدوني من أول يوم.. وحتي أخر لحظة.. والشكر لكل زمايلي اللعيبة . اللى أنا لعبت معاهم على مدار كل الأجيال.. شكرا لأخواتي الأطباء ومساعدينهم أخصائيين التأهيل والمدلكين.. شكرا للإداريين والعمال.. شكرا لكل فرد ساعدنى ولو بأى حاجه .. أنا مش عايز حد يزعل منى .. فى الأول والآخر دى خطوات كتبها ربنا سبحانه وتعالى.. وأنا متوكل على الله فى كل خطواتي.. ودايما هيفضل الأهلي وجمهوره فى قلبى.
وأعلن نادي بيراميدز تقديم لاعبه الجديد أحمد فتحي، في مؤتمر صحفي يقام غدًا الاثنين، بقاعة مؤتمرات ستاد الدفاع الجوي.
وسيكون المؤتمر في الرابعة عصر غد الاثنين بقاعة مؤتمرات ستاد الدفاع الجوي، بحضور المهندس ممدوح عيد الرئيس التنفيذي لنادي بيراميدز، والكابتن هاني سعيد المدير الرياضي، وعمرو بسيوني مدير التعاقدات، والنجم الكبير المنضم حديثا للنادي.
بيراميدز يقدم أحمد فتحي في مؤتمر صحفي مساء غد
أحمد فتحي: أتمنى نجاح تجربتي مع بيراميدز والمشاركة في كأس العالم 2022
