الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

“أنا قلقان على بابا نويل”.. طفل صغير يرسل “إيميل خاصًا” لرئيس وزراء إيطاليا

القاهرة 24
صحة وطب
السبت 14/نوفمبر/2020 - 03:51 م

نشر رئيس الوزراء الإيطالي “چوزيپى كونتي”، عبر صفحته الشخصية على تويتر، نص رسالة بريد إلكتروني، تم إرسالها من قبل طفل صغير يدعى “توماسو”، يبلغ من العمر 5 سنوات.

وكتب”كونتي”: “قبل أيام قليلة تلقيت هذه الرسالة من توماسو، صبي يبلغ من العمر 5 سنوات من سيسانو ماديرنو الذي قدم لي طلبًا خاصًا للغاية.. وهذا هو جوابي”.

 وكتب الطفل: “عزيزي الرئيس چوزيپى كونتي، اسمي تومازو وساكن في تشيزانو مادرنو، عندي خمس سنين وأذهب لمدرسة سانتا أنّا“.

وتابع: “إحنا في عيلتنا بنتبع كل القواعد والإجراءات اللي أنت قولت عليها: بنعقم إيدينا، بنحافظ على التباعد بين الأفراد والكبار بيلبسوا كمامات“. مستكملًا: “النهاردة الصبح سألت مامتي فاضل كم يوم على الكريسماس عشان قلقان على بابا نويل، كنت عايز أعرف لو ممكن حضرتك تعمله شهادة إقرار ذاتي مخصوصة عشان يقدر يتحرك ويوزع الهدايا على كل أطفال العالم“.

وأضاف توماسو: “أنا عارف أن بابا نويل، سنه كبير وخطر أنه يلف على البيوت بس هو شاطر وأكيد هيلبس الكمامة عشان يحافظ على نفسه، وأنا أوعدك، مع اللبن الدافي بالبسكوت، إني هحط له كمان عند شجرة الكريسماس مطهر، وأتمنى لحضرتك التوفيق في شغلك وياريت حضرتك تقدر تعمل الاستثناء ده لبابا نويل فقط“.

واختتم الطفل: “مستني رد حضرتك ع الأقل عشان أبلغ بيه صحابي.. شكرًا.. توماسو”.

رسالة الطفل إلى وزير الخارجية الإيطالي
رسالة الطفل إلى رئيس الوزراء

 في حين رد رئيس الوزراء، على الطفل، قائلًا: “أنا قريت رسالتك وأحب أطمنك، بابا نويل أكد لي أنه بالفعل عنده شهادة إقرار ذاتي دولية: يعني يقدر يسافر لأي مكان ويوزع الهدايا على كل أطفال العالم من غير قيود”.

وتابع كونتي: “بابا نويل أكد لي كمان أنه بيستخدم الكمامة وبيحافظ على التباعد الاجتماعي عشان يحافظ على نفسه وعلى كل الناس اللي بيقابلهم، فكرة انك تسيب له عند الشجرة، غير اللبن الدافي والبسكوت، المطهر كمان فكرة ممتازة“، مضيفًا: “غسلة ايد حلوة كده هتخليه يطهر ايده كويس ويمشي يروح عند ناس تانيين بأمان تام”.

وأكد قائلًا: “عشان كده أحب أقولك ان مش ضروري تقول لبابا نويل في جواب السنة دي انك كنت شاطر، أنا قولت له خلاص، وحكيت له اد ايه السنة دي كانت صعبة في ايطاليا وان انت وكل الأطفال كُنتُم هايلين“.

وقال كونتي: “أنا عرفت كمان انك كنت عايز تطلب من بابا نويل يخلي ڤيروس كورونا يختفي، بس متضيعش على نفسك فرصة انك تطلب منه هدية زيادة، موضوع اختفاء الفيروس ده انا والكبار هنتصرف فيه، كلنا مع بعض، عشان تقدر انت وصحابك ترجعوا قريب جدا تلعبوا بحرية وسعادة وتقدروا تحضنوا بعض من غير ما تفكروا ف حاجة أو تشيلوا هم زي ما كنتم دائما“.

واختتم قائلًا: “حضن كبير…كونتي“.

تابع مواقعنا