أشرف زكي: “أنا ضد الراجل اللي يتجوز ممثلة ويقولها اقعدي في البيت” (فيديو)
تحدث الفنان أشرف زكي، عن علاقة الحب التي جمعته بزوجته الفنانة روجينا، مشيرًا إلى أنه يرفض فكر الرجل الذي يتزوج ممثلة ومن ثم يمنعها عن التمثيل.
وقال أشرف زكي خلال لقائه ببرنامج “صاحبة السعادة” الذي تقدمه الإعلامية إسعاد يونس عبر شاشة “DMC”، “أنا ضد الراجل اللي يتجوز ممثلة وبعدين يقولها اقعدي، حتى لو هي وافقت بعد كدة مش هتقدر، وكتير جدا شوفنا حالات كدة بس لما أنت اتقدمت ليها وعايز تتجوزها هي كانت بتعمل حاجة غلط قبل كدة مثلا، الموهبة دي حاجة بتاعت ربنا”.
وكشفت روجينا خلال اللقاء عن أول لقاء وقصة حب جمعتهما ببعضهما، فقالت: “أنا كنت داخلة أقدم في معهد فنون مسرحية أنا ومامتي قسم تمثيل، وهو كان معيد كان قاعد مع المخرج أحمد شفيق، وقاله شايف البنت دي أنا هتجوزها، هو من أول نظرة ودقيقة كان واخد قرار”.
كما تحدث الفنان قائلًا: “من أول نظرة وقعت في حبها وشوفت فيها إنها مؤدبة ومعندهاش خبرات ومعندهاش تجارب، وجايبة مامتها ودي مش من العادة، حسيت إنها بتتفق مع المواصفات اللي بدور عليها، وسافرت عملت عمرة ورجعت واخد القرار”.
أشرف زكي يكشف أسباب استقالته من منصبه بـ”التمثيلية”: “بيضغطوا عليا” (فيديو)
