شوقي غريب: عملت سندوتشات كفتة لعمار حمدي قبل مواجهة البرازيل عشان ياكلها

كشف شوقي غريب، المدير الفني لمنتخب مصر الاوليمبي، موقف طريف جمعه بعمار حمدي، لاعب الفريق الأول لكرة بنادي الاتحاد السكندري، قبل مباراة البرازيل الودية.

وقال خلال تصريحات إذاعية: “يوم ودية البرازيل حددت موعد الغداء للمنتخب فى الرابعة عصراً، خاصة أن المباراة كانت في التاسعة مساءً، وحينما أخبرت اللاعبين لكن عمار حمدي اعترص وقال لي مقدرش أقعد خمس ساعات بدون أكل”.

وتابع ،:”قولتله خلاص ياعمار ممكن تأكل أنت الساعة 6 هجبلك سندوتشات ولما نوصل الملعب هتلاقى هناك فاكهة على الساعة 7.30 ابقى كمل أكل قالي ماشي، وفعلا عملت سندوتشات كفتة وخدتها معايا عشان عمار يأكلها”.

شوقي غريب: لدينا مخطط واضح مع المنتخب الأولمبي

وواصل: “مش بعترض في موضوع الأكل لعمار حمدى، خاصة أن جسمه ضئيل وغير قابل للزيادة، بعترض بس على قصة الأكل بالليل، وسألت دكتور تغذية عن حالة عمار حمدي قالي لازم يعمل تحاليل وقالي بلاش تمنعه من الأكل”.

واختتم غريب: “الطبيب أكد لي أن الأمر الأمر قد يكون نفسي وممكن يتأثر فى الملعب لو منعته، فبقيت أتعامل مع عمار زي اللاعب اللي محتاج تدريبات إضافية هو لاعب محتاج أكل زيادة، وهو للأمانة طيب وصريح واللي في قلبه على لسانه، ومبحبش أزعله، خاصة أن بيتحرك كويس في الملعب وبيحرق الأكل”.