شيرين رضا: بابا كان شايفني قليلة الأدب (فيديو)

تحدثت الفنانة شيرين رضا عن والدها الفنان الراحل محمود رضا، وعن مدى تأثرها برحيله وما تركه من أثر بداخلها في الباقي من عمرها، وقالت: “بابا هيبقى أول فصل في كتاب حياتي، هو من وأنا صغيرة عاوز يعلمني المسئولية”.

وأردفت شيرين، خلال لقائها مع المذيعة مها الصغير ببرنامج “its show time”: “كان يقولي اتصرفي انتي فكري انتي، لأنه علمني كل حاجة أنا عرفاها، علمني الصبر والاحترام وإني أفهم إنه مش كل الناس رأيها هيبقى زي رأيي، وطبعًا إني متعلمتش الحاجة دي واضح”.

وتابعت: “مكنش فيه صدام بينا، بس هو كان شايف إني قليلة الأدب، لأن بابا عمره ما قال كلمة وحشة أو قال إن البني آدم دا وحش، فكان بيبقى مصدوم فيا، انتي ازاي بتقولي الكلام دا”.

وأعلن خلال الفترة الماضية الفنان محمد رمضان خلال أحد لقاءاته عن انضمام شيرين رضا في مسلسله الرمضاني “موسى”، وعقبت هي خلال حوارها مع برنامج “et بالعربي”: “سمعت زيكم بالظبط، محدش تواصل معايا من شركة الإنتاج”.

شيرين رضا عن مشاركتها في “موسى” لمحمد رمضان: “سمعت زيكم”

شيرين رضا لـ”القاهرة 24″: “قولت نكتة الرقاصة في الجونة عشان المود ميبقاش حزين”