محمد ثروت يتعاون مع رحيم في أغنية جديدة: “موهبته نادرة” (فيديو)
يستعد الفنان محمد ثروت لطرح أغنية جديدة، خلال أيام قليلة، ويواصل تسجيلها في الاستوديو، مع الملحن محمد رحيم.
ونشر رحيم فيديو من تسجيل الأغنية على حسابه الشخصي بـ”فيس بوك”، وعلق قائلًا: “بصوا يا جماعة أنا دي موسيقى من أغنيه جديده أنا بعملها اليومين دول للفنان محمد ثروت، مش قادر أقولوكم أنا قد إيه، مستمتع بالشغل معاه، وقد إيه الراجل ده موهبته نادرة ومش قادر أستنى لما الغنوة تنزل اليومين الجايين إن شاء الله قلت آخد رأيكم في الجو لأني بصراحة فرحان بالتجربة دي ومراهن عليها إن شاء الله”.
كما نشر رحيم صورة أخرى جمعته بالفنان محمد ثروت ونجله أحمد، وعلق عليها قائلًا: “من الأستوديو مع الفنان الكبير #محمد_ثروت اللي بجد أنا مستمتع بالعمل معاه بشكل مش قادر أوصفه ما شاء الله قد إيه موهبته نادرة واستثنائية وعنده كتير أوي أوي ياجماعة بجد أنتوا إن شاء الله هتنبهروا بالغنا بتاعه والغنوة دي أنا إن شاء الله مراهن عليها وعشمي في ربنا كبير أنها هتبقى من أكتر الحاجات اللي هتحتل مكان خاص في قلوبكم دعواتكم إن شاء الله”.
الملحن محمد رحيم يشوق الجمهور لأغنية محيي الجديدة “بعدنا” (صورة)
