“دي مهزلة”.. شوبير عن مخرج القمة: الزملكاوية رفضوا محمد نصر والأهلاوية رفضوا إيناس عثمان
علق أحمد شوبير، الإعلامي بقنوات أون تايم سبورت، على اختيار مخرج مباراة الأهلي والزمالك في نهائي دوري أبطال إفريقيا، يوم 27 نوفمبر الجاري.
وقال شوبير خلال برنامجه الإذاعي، “الأمر أصبح مهزلة من صنع السوشيال ميديا، جمهور الزمالك رفض تعيين محمد نصر مخرجا للقمة عشان أهلاوي، وجمهور الأهلي رد عليه ورفض المخرجة إيناس عثمان عشان زملكاوية”.
وتابع شوبير، “هو في كدا بجد، دي مهزلة يعنى أيه نخلى السوشيال ميديا هي اللي تحركنا، دي مباراة هيشوفها العالم كله، ويعنى أيه أهلاوي وزملكاوي”.
وواصل شوبير،”طب ما أنا أهلاوي وكنت في الجبلاية هل عمرى هسمح بظلم لاعب للزمالك على حساب لاعب من الأهلي، وعمرو الجناينى رئيس اتحاد الكرة قال من يومين أنه زملكاوي جداً كمان، بس عمري ما ظلمت الأهلي”.
وأتم شوبير حديثه في هذا الصدد، “اللي بيحصل ده غلط، أومال بس نخاطب الجمهور إزاي، طب ما نجيب مخرج برتغالي ولا إسباني كمان يخرجلنا المباراة، ده هزار ولا نكتة، لو مفيش احترافية تبقى القصة منتهية ياجماعة”.