سقالة الموت بطب الإسكندرية.. موظفة تتعرض لشلل نصفي وتفتت في النخاع.. والمسؤولون يتهربون (صور)
أصيبت موظفة داخل كلية طب أسنان جامعة الإسكندرية، أثناء مرورها أسفل أحد المباني التي يعاد ترميمها بالجامعة بعد سقوط سقالة حديد عليها.
وتعرضت أميرة حنفي مصطفى، والتي تعمل داخل قسم التحاليل بالكلية، بشلل نصفي سيؤدي لعدم حركتها طوال العمر، حسب ما ذكر أخوها لـ”القاهرة 24″.
وقال في تصريحاته: “كلية طب أسنان جامعة الإسكندرية بترمم مبنى بالكلية، وعاملين ممر يعدي منه الموظفين، ومن يومين وقع على أختي سقالة حديد فيها خشب وطوب وده أصابها بشلل نصفي وكسر في العموم الفقري وكسر في القفص الصدري والنخاع “اتفتت” واتقطع، حسب كلام الدكتور وهي عمرها لسة 28 سنة”.
متحدث الرئاسة: انتشار كورونا في الموجة الثانية أعلى من الأولى
وواصل حديثه قائلاً: “للأسف وضعها صعب أوي دلوقتي، ولازم تمشي بـ”كيس” زي القسطرة لأنها مش هتعرف تدخل “الحمام” تاني في حياتها”.
وعن موقف الجامعة من الحادث قال: “رئيس الجامعة الدكتور عبد العزيز قنصوة جه بنفسه وجابلنا دكاترة كويسين، لكن شركة المقاولات قالت إنهم قافلين الممر بحواجز عشان محدش يدخل والغلط من عندها، واحنا مش عارفين حقها فين ومع مين، لكن احنا عملنا محضر جوة نقطة الجامعة ومعانا محامي”.
وتابع: “أختي موجودة في مستشفى ناريمان بمنطقة الحضرة، والدكتور قالنا بصراحة “أختكم مش هتمشي تاني”، وهي شغالة موظفة في قسم التحليل بالكلية وهي من الأساس خريجة قسم علوم”.
خالطت 10 مدرسات.. إصابة معلمة ابتدائي بفيروس كورونا في الغربية
وأتم حديثه بقوله: “الجامعة وقفت جنبنا لكن بتخبي علينا اسم شركة المقاولات ومش عاوزانا نعرف حاجة عنها، لكن النيابة هتعرف اسم الشركة وهناخد الإجراءات القانونية”.
