هنا الزاهد تدعم فهمي: “قلبك طيب وعفوي.. وبتقول اللي جواك وتنسى إنك ممثل” (صورة)
دعمت الفنانة هنا الزاهد، زوجها الفنان أحمد فهمي، الذي تعرض لهجوم كبير، بسبب سحب اعتذاره الذي أعلنه للاعب نادي الزمالك شيكابالا.
وكتبت الزاهد على حسابها الشخصي بـ”فيس بوك”: “بعيدًا إن شهادتي في مجروحة لأن الناس هتقول بقول الكلام ده عشان جوزها، أنا لا بفهم في الكورة و لا بتفرج عليها بس بشوف قد إيه الإنسان ده بيحب يكون عفوي و بينسى أنه ممثل و بيتعامل مع كل الناس بكل ذوق حتى في الشارع وفي التصوير وفي كل مكان و الناس اللي عرفاه عرفين ده كويس”.
وتابعت: “أنا عارفة أنه الناس بتفضل تقول لا ده ممثل مينفعش يقول رأيه.. بس للأسف الإنسان ده بينسى وبيخسر من كتر ما هو اللي في قلبه على لسانه و مش بيحب ينافق و لا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للأسف بتطلع أخبار بالكلام اللي بيقولوا”.
واختتمت: “عموما أنا عايزة أقولك أنك قلبك طيب وعفوي بزيادة وبتقول اللي جواك من غير ماتحسبها عشان بتنسى أنك ممثل أصلا بس الأيام دي مينفعش تبقى كده للأسف.. وأعمل اللي يريحك لأنك إنسان وإحنا كده كده بنحبك جدا”.