الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

منى زكي عن تكريمها في القاهرة السينمائي حاسة إني اتكروت

القاهرة 24
فن
الأربعاء 02/ديسمبر/2020 - 08:34 م

تحدثت الفنانة منى زكي عن تكريمها اليوم بالدورة الـ42 لمهرجان القاهرة السينمائي الدولي، وحصولها على جائزة فاتن حمامة للتميز.

وقالت زكي خلال لقائها مع قناة “Dmc”، على هامش فعاليات حفل الافتتاح: “حاسة إني اتكروت وكبرت، ده شرف كبير ليا إن الجائزة تكون باسم سيدة الشاشة العربية، وأن تكون الجائزة والتكريم في نفس سنة السيناريست الكبير وحيد حلمي، وطول عمري كنت بسمع جملة أستاذ عادل إمام في اللعب مع الكبار وبيقول أنا هحلم”.

وتابعت: “كنت بشتغل زمان في الهناجر في مسرح تجريبي في الأوبرا، وأبص عليه وأقول يارب هل هقف عليه وأبص على الخشبة دي وأقول كده، وربنا بيراضي اللي بيشتغل على نفسه ويكافح، لما عرفت إني هتكرم مكنتش عارفه هعمل إيه بعد كده وفي تساؤلات كتير واستفسارات كتيرة”.

واستكملت: “حلمي قالي مبروك وتستحقيها، هو بيترعب من كورونا ومع ذلك حضر النهارده حفل الافتتاح، وبنتي كمان حضرت النهارده، هي رسامة واللي حباه تعمله مش بجبرها على حاجة، ومجالنا صعب وشاق، ولكن لما بيجيلك النداهة بتبقي عايزة تدخلي وتغامري”.

وأما عن نجاح فيلمها الأخير “الصندوق الأسود”، فقالت: “أنا مبسوطة بنجاحه عشان ده سببه زمايلي، وأنا قولتلهم خايفة في الأول عشان التصوير، ولكن الحمد لله عدى على خير”.

ياسمين صبري بفستان أسود على “ريد كاربت” في افتتاح القاهرة السينمائي (صورة)

هاني رمزي عن حصد منى زكي جائزة فاتن حمامة للتميز بـ”القاهرة السينمائي”: “تكريم لينا كلنا”

تابع مواقعنا