عمرو أديب: “نفسي طلائع الجيش ياخد كأس مصر علشان البطولات تتوزع.. والأهلي كفاية عليه كده”
السبت 05/ديسمبر/2020 - 12:02 ص
تمنى الإعلامي عمرو أديب، حصول نادي طلائع الجيش على بطولة كأس مصر عندما يلاقي الأهلي غدًا السبت، في نهائي البطولة، قائلا “نفسي بكرة طلائع الجيش ياخد بطولة كأس مصر، وأنا هكون سعيد لو الأهلي خسر.. مش علشان أنا زملكاوي، لا أنا نفسي يكون فيه توزيع عادل في البطولات، ويكون فيه تغير”.
وأضاف “أديب” خلال تقديمه لبرنامج “الحكاية”، عبر فضائية “Mbc مصر”، “نفسي الطلائع ياخد الكأس، الأهلي واخد بطولتين السنة دى كفاية عليهم، وأنا نفسي يكون فيه تغيير.. البطولات تتوزع مرة المقاولين العرب، ومرة غزل المحلة، والإسماعيلي والنادي المصري”.
وتابع أن “الأهلي ياخد الكاس ليه كفاية، مش علشان الزمالك مخدش بطولات لا.. لكن أنا عاوز منافسة، عندهم مدرب محترم الكابتن طارق العشري، وده على سبيل التغيير، كفاية على الأهلي كده”.