بهاء الدين محمد يُعلن تعاونه مع عمرو دياب في ألبومه الجديد

أعلن الشاعر الغنائي بهاء الدين محمد، تعاونه مع الفنان عمرو دياب، في ألبومه الجديد، المقرر طرحه خلال الفترة المقبلة.

وكتب بهاء الدين على حسابه الشخصي بـ”فيس بوك”: “مع عمرو دياب إوعوا حد يقوله إني قولتلكم”.

من الكنترول ?? Amr Diab إوعوا حد يقوله إنى قولتلكم ??

Posted by Bahaa El Din Mohamed on Sunday, December 6, 2020

وسبق وكشف الشاعر الغنائي بهاء الدين محمد، سبب رفضه تصوير أغنية “تنسى واحدة” التي ألّف كلماتها وهي من غناء الفنان عمرو دياب.

وكتب بهاء الدين محمد عبر حسابه على “فيس بوك” منشورًا يتحدث فيه عن قصة الأغنية، وقال: “كل واحد مهما عاش حكايات أوعاش حكاية مبسوط فيها وراضي بيها برضه في خياله واحدة سابت علامة في قلبه بيفضل طول العمر فاكرها يا بخير يا بجَرح، ومهما قابل أو عمل نَفسه ناسي بتبان عليه وخاصة لو في حياته واحدة بتحبه وعارفة ماضيه بتبقى مشاعره مكشوفة ومتشافة رغم المجهود اللي بيعمله علشان يبان ناسي، وكل حد بيقرأ الكلام ده دلوقت عارف مين هي وهي عارفة إنها هي وعارفة مين حَبها وسابتله حاجة يفتكرها بيها لحد آخر لحظة في حياته . شبكة اتصال جبارة وغير مرئية للعين وعالم النَفس بحار كلها أسرار”.

تابع: “وهو ده ملخص فكرة تنسى واحدة ولما عمرو دياب قال لي هنصورها قولت له بلاش، ضحك وقال لي أول مرة أشوف شاعر مش عايز يصور أغنيته، قولت له كل واحد في خياله واحدة وكل واحدة عارفة إنها في خيال واحد ولما تتلخص الواحدة دي في بنت موديل مهما كانت جميلة وكلها إحساس هتقلل من حالة الأغنية، يعني نسيب الأغنية تبقى كل واحدة بتسمعها شايفة نفسها هي البطلة فيها، وبرضه كل واحد شايف حبيبته هي بطلة الأغنية وكده نبقى حافظنا على خصوصية الفكرة وعشان كده كل اللي بيسمعها بيعيش بيها وفيها وبيلاقي فيها حكايته اللي مش ناسيها ولا هينساها”.

بهاء الدين محمد عن أغنية “تنسى واحدة”: حذرت عمرو دياب من تصويرها