عضوة بالزمالك: “مرتضى سحب كارنيهي عشان كنت حاطة رجل على رجل” (صورة)

روت عضوة بنادي الزمالك، كواليس أزمة بينها وبين رئيس النادي الموقوف، مرتضى منصور، أثناء تواجده داخل النادي قبل رحيله.

وقالت “إيناس الصديق” عبر حسابها على “فيس بوك”: “شهر يناير اللى فات كنت فى نادى الزمالك، واتحدث بالتليفون، فوجئت بموكب رئيس النادي مرتضى منصور يمر وحوله حاشيته الكبيرة، ووقف أمامى يطلب منى كارنيه النادى، وعندما سألته عن السبب، رفض إبداء السبب، وقال بغرور، أنا رئيس نادى وبطلع الكارنيه الخاص لأي حد، و أخرج الكارنيه الخاص به من جيبه، فاخذته منه، وأعطيته الكارنيه بتاعى”.

وتابعت: “فوجئت بأمن النادى يلتف حولى، وما يقرب من 30 شخصا من أنصار مرتضى منصور، يطلبون الكارنيه بتاعه، أصريت على عدم رده إلا إذا رد لى الكارنيه أو إعطائى سببًا مقنعًا لسحب الكارنيه الخاص بى، قال أحدهم أمام إصرارى، لأن انتي كنت قاعدة حاطة رجل على رجل وسيادة المستشار معدى”.

وأضافت “الحقيقة شعرت بغثيان التسلط والجاهلية، التى لن أقبل يوما أن يعاملنى أحد بهما، ورفضت تمامًا رد الكارنيه بتاعه، توالت عليّ التهديدات بالاتهام بالسرقه وغيرها من الافتراءات الكاذبة، وأنا أمامهم لا أكترث بهم، و لا يهمنى التفافهم وقدرتهم على المناورة، وصل الأمر أنهم قفلوا بوابات النادى التى حولى والتفوا وجاءت واحدة من الأمن النسائي وتطاولت على، حتى تاخذ كارنيه الإله بتاعهم” حسب وصفها.

“أنت أقوى من أن تُهزم”.. محمد أبو جبل يوجه رسالة لنادي الزمالك

ووصلت “انا رفضت و خرجت بعد معاناة شديدة بينهم بكارنيه مرتضى منصور ، وايمانى انى زى ما اخد كارنيه بتاعى ظلم انا اخد الكارنيه بتاعه و يبات مسحوب الكارنيه بتاعه” مضيفه: “فيه ناس هتقول انت ليه كبرتى الموضوع ما تديله الكارنيه، لا الموضوع مش كارنيه، الموضوع انه اتعامل معايا معامله لا تليق بى، فكان لازم اعامله معامله تليق به”.

وأشارت: “منعنى من دخول النادى بحجة انى خالفت لائحه مرتضى منصور ، لم ابالى، و دعيت الله ان يرد له ما فعله معى بالحرف و ان يمنع من دخول النادى، و انا كنت واثقه فى ربنا، و عارفه ان بطش ربك لشديد ، هو بنفوذه و سلطته و انه عنده حماية، انا مع الله القوى ، العدل ، الذى لا يرد دعوه مظلوم”.

وأتمت: “اليوم بعد منع مرتضى منصور من دخول النادى، انا قررت اعرفكم اللى حصل و اردد عليكم قول الامام على رضى الله عنه و ارضاه : “إِيَّاكَ وَ ظُلْمَ مَنْ لَا يَجِدُ عَلَيْكَ نَاصِراً إِلَّا اللَّهَ”، انت بتنام بس ربنا مش بينام عن حقك ابدا،عدل ربنا”.

اللجنة المؤقتة بالزمالك ترفض ضم أحمد الشيخ