صابرين باكيةً بعد إصابتها بكورونا: “أبوس إيديكم خلوا بالكم مفيش أعراض بتظهر”
وجهت الفنانة صابرين، نصيحة للجمهور بعدم إهمال الإجراءات الاحترازية، لمنع انتقال عدوى كورونا لهم، وذلك بعد إصابتها وعائلتها بالفيروس، وتدهور حالتها الصحية.
وقالت “صابرين” خلال مداخلة هاتفية مع برنامج “التاسعة” الذي يقدمه الإعلامي وائل الإبراشي عبر القناة الأولى: “يا جماعة خلوا بالكم لأنها بتيجي من غير أعراض، دايمًا كان يبقى فيه كحة جامدة وسخونة ونعزل الناس، بقينا كله موجب، وحاسة الشم فقط هي اللي بينت، لحد امبارح مكنش عندي أعراض، ابتدى بقى امبارح زوري بيحرقني أوي ومناخيري، وكل اللي شاغلني دلوقت ماما ربنا يسترها”.
وتابعت: “أخويا ومراتي معزولين في بيتهم ومراته تعبت أوي، والنبي يا جماعة أبوس إيديكم خلوا بالكم، الموضوع مش حلو ومفيهوش أعراض، لازم الإجراءات الاحترازية محدش يخرج إلا في الضرورة القصوى، معلش إحنا نسينا شوية نغسل إيدينا ونحط كحول على طول، ومقدرش أحدد جاتلي منين، المتاعب بدأت من بالليل عندي، عندي أولادي 16 و14 سنة عزلوا نفسهم في أوضهم، بدعواتكم إن شاء الله هبقى كويسة”.
صابرين: “فيروس كورونا لم ينتقل لي من القاهرة السينمائي”
صابرين تٌعلن إصابة عائلتها بالكامل بفيروس كورونا
