ميس حمدان: ساعات بحس إني محتاجة راجل في حياتي.. والجواز عمره قصير لأننا بعدنا عن ربنا
تحدثت الفنانة ميس حمدان، عن إمكانية دخولها في علاقة عاطفية خلال الفترة المقبلة، موضحة أنها دخلت في عدد من العلاقات ولكنها لم تكتمل، بجانب الكشف عن رأيها في تجارب زاوج المقربين منها ومواصفات الرجل الذي تتمنى الارتباط به.
وقالت ميس حمدان، خلال حوارها بأحد البرامج: أوقات كتير بحس أني محتاجة لوجود الراجل في حياتي، وساعات تانية بكون متبلدة المشاعر.
ميس حمدان: الجواز بقى عمره قصير
وواصلت ميس حمدان: فقدان المشاعر دي بسبب أن قليل لما بنشوف اتنين مرتاحين في علاقة، الجواز عمره قصير لأن إحنا بعدنا عن ربنا كتير، ومبقيناش متمسكين أننا عايزين نكتفي بشخص واحد، والسوشيال ميديا مبقاش في حد بسببها راضي عن اللي عنده.
وأضافت ميس حمدان عن المواصفات التي تتمنى تواجدها في زوجها المستقبلي: الرجولة لا تتجزأ، الذكر حاجة والرجل حاجة تانية، الست عايزة الراجل المحترم الأخلاق اللي بيخاف ربنا والسند وبيعرف ياخد موقف ويتصرف، ولكن الواحدة متعرفش هتقع في إيه، وأنا بكره الراجل المهزوز ومبيعترفش بنقاط ضعفه، معنديش مشكلة في الراجل اللي بيعترف بضعفه بالعكس بحترمه.
