مروة عبد المنعم عن جدل إحراج متصلة لها على الهواء: المكالمة مدسوسة ومقصودة.. ومستحيل أهزأ نفسي
علقت الفنانة مروة عبد المنعم، على جدل المكالمة الهاتفية التي تلقتها في برنامجها، من خريجة كلية إعلام، تعجبت من عملها في الإعلام رغم مشاركتها في العديد من الأعمال الفنية، الأمر الذي عرض الفنانة لموقف محرج على الهواء، في حين زعم الجمهور أن المكالمة مفبركة.
وقالت مروة عبد المنعم، في تصريح خاص لـ القاهرة 24: مستحيل أعمل مكالمة مفبركة في برنامجي أنا مش هاهزأ نفسي، اللي شاكة فيه أن المكالمة دي مدسوسة ومقصودة، أنا ممكن أعمل تريند لكن مستحيل أطلع أهزأ نفسي.
متصلة تحرج مروة عبد المنعم على الهواء
وتعود تفاصيل الواقعة، عندما فوجئت الفنانة مروة عبد المنعم، بحديث متابعة لها، في برنامج من تقديمها، حينما قالت لها: أنا عندي مشكلة مع الناس اللي بتشتغل مهنة تانية غير مهنتها، حضرتك كدا مثلا شغالة مذيعة وأنتي ممثلة.. معرفش تيجي إزاي.. وأنا عندي 27 سنة وخريجة إعلام وقاعدة مبشتغلش عشان حضرتك واخدة مكاني.
مروة عبد المنعم تعاتب تامر حسني لهذا السبب
من جهة أخرى، سبق وأن علقت الفنانة مروة عبد المنعم، على معاتبتها للفنان تامر حسني، قائلة: أنا وتامر حسني عملنا دويتو في الأفلام حلو وبعدين هو وعدني أني هكون معاه في أعمال كتير، الناس فاكرة إننا أصحاب ولكن هو مرة واحدة اختفى من حياتي، وأنا معرفش إيه السبب ولا عارفه أوصله، تامر هو اللي يعرف يوصلي.
وواصلت: ملومتش على تامر حسني، ولكن أكيد زعلانة من منطلق الصداقة وكنت مستنية أنه يطور نجاحي أنا وهو أو يوفي وعده معايا ولكن محصلش، هو لو عايزني بيعرف يوصلي كويس، وفي الآخر أنا مبعرفش أقول لحد شغلني معاك وأنا شغالة وعايشة حياتي وزي الفل.
