تامر حسين يهاجم عمرو مصطفى: مبقتش بتشرف لما بجيب سيرتك.. وحذرتك تتهم حد ناجح بالباطل
هاجم الشاعر الغنائي تامر حسين، الملحن عمرو مصطفى بعد انتقاده أعمال الملحن محمد مدين وعزيز الشافعي.
وكتب تامر حسين على حسابه الشخصي بـ فيس بوك: ردا على فيديو المُلحن سليط اللسان.. أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس أنك معانا في الوسط.. وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل.. والافتراءات الكذابة اللى بتخترعها في أي نجاح كبير يلتفت حواليه الناس وأنت لا ترتقي إنسانياا تبقى زميل لواحد فيهم.. شتان فرق الأخلاق ده أنا اللى بعتذرلهمُ على التشبيه الغير موفق مني ظلمُتهم.
وتابع الشاعر الغنائي: ثانيًا لو جبت سيرتك بالخير فأنا بعمل بأصلى فى أى لقاء وأى برنامج وبتربيتى وبقول عيب عنده أولاد كُبار يتشرفوا بباباهم.. ما تردش الإساءة بالإساءة.. معنديش فُجر الخصومة ولا هبقى مُتقلب الود زيك مع كل اللى أحسنوا إليك وساعدوك.. عشان لما حد من الجمهور المحترم يشوفنى مايقولش عليا قليل الأصل ونتساوىّ في القُبح ودى آخر مرة هغلط وأجيب سيرتك لأنى مبقتش أتشرف بيها وبتكسِف منها.
واستكمل تامر حسين: الناس عارفة كويس وفاهمة مين فينا صادق ومين كداب.. بالمواقف والسنين والاحترام والتقدير.. والحمد لله إني ربنا أنعم عليا وخلانى شخص سوي وبعقل كلامى واحترم نفسي. لا فيه قلبى غل ولا حقد ولا بعترض على اللى ربنا كاتبهُ لزمايلي ببارك للجميع بقلب أبيض.. مبقللش من مجهودهم ونجاحهم.
واختتم تامر حسين حديثه: دي آخر رسالة تتقالك بحترام اللي جاي هيبقى عداني العيب.. احترم سنك احترم نفسك.. احترم انك عندك أسرة مايصحش.. يبقى cv من بعد ما كان نجاحات يبقى خِناقات وسيرة سيئة.. لإن ماحدش هيسكُت لك تانى على أى تجاوز.
