رفضت دورا مع أحمد زكي وتفاجأت من رد الشعراوي .. ملخص تصريحات فادية عبد الغني التليفزيونية
فن
فادية عبد الغني
كشفت الفنانة فادية عبد الغني، uk تفاصيل رفضها المشاركة في فيلم معالي الوزير مع الفنان أحمد زكي، وتطرقت إلى حديث جمعها مع الشيخ محمد متولي الشعراوي، حيث صدمها الأخير برده.
ونستعرض لكم خلال السطور التالية أبرز تصريحاتها، كما يأتي:
تصريحات فادية عبد الغني
- زورت الشيخ الشعراوي بعد مرض والدتي ودا لأن حالتي النفسية كانت وحشة جدا.
- روحت له البيت وقولته نعمل إيه في مرض والدتي قالي نقرب من ربنا وأهداني مصحفا أحطه تحت رأس والدتي وزجاجة مياه مقروء عليها القرآن الكريم كله وقالي تشرب منها وده حصل وتم شفاؤها ونزلت رحمة ربنا عليها.
- في زياتي للشيخ محمد متولي الشعراوي كنت لابسة إيشارب لأني مش محجبة وكنت محرجة وقالي أنتي حاطة إيشارب ليه وأنتي مش محجبة قولت له احترامًا ليك..
- قالي تحترميني أنا وخايفة مني ومش عامله حساب لربنا؟
- سألت الشعراوي عن التمثيل وقال لي الفن عامل زي السكينة سلاح ذو حدين ليها كذا استعمال ممكن أقتل بيها بني آدم أو أقطع بيها لحمة للغلابة، وأنتي من الناس اللي مش بتعملي حاجن فجة في الفن ومعرضش عليا ألبس الحجاب زي ما في ناس كتير قالت كده.
- شائعة إصابتي بالعمي غير حقيقة وأثرت على أهلي وأخواتي وفيه ناس عندها هواية أذى الناس ولما بسمع الكلام ده مش بتخض لأني أنا كويسة.
- رفضت دور زوجة أحمد زكي في فيلم معالي الوزير لأن أنا عندي محظورات وفيه مشهد كان فيه مايوه وصعب أعمله وكلمت الصناع بس مكنش ينفع يتحذف أنه مشهد مهم فاعتذرت.
- لبلبة قدمت الدور بشكل جيد فهي فنانة موهوبة وجيدة وأنا مع مصطلح السينما النظيفة وأنا مع القبلات في السينما إذا كانت تخدم الدور.
