آخر مرة شوفتها من سنة.. أقوال شقيق ضحية اغتصاب السائق بجوار المقابر بالبساتين| خاص
كشفت التحقيقات في واقعة عثور أهالي منطقة البساتين بالقاهرة، على فتاة متوفاة ملقاة بجانب الطريق بجوار المقابر أغسطس الماضي، تعرضها للاغتصاب على يد سائق توك توك خلال توصيله لها.
أقوال شقيق المجني عليها ضحية اغتصاب سائق بالمقابر بدار السلام
وحصل القاهرة 24 على نص تحقيقات شقيق المجني عليها والتي جاءت كالآتي: أنا آخر مرة شوفت فيها شيماء كان من حوالي سنة، لأنها بقالها حوالي 7 سنين معتادة تسيب البيت وتمشي هي وعيالها وكل مرة نرجع نرجعها البيت وبرضه بترجع تسيبه تاني، ومن ساعة ما سابت البيت آخر مرة من حوالي سنة وانا معرفش عنها اي حاجة.
وأضاف: روحت لقسم البساتين يوم الأحد بتاريخ 25 أغسطس، ووروني صورة جثمان شقيقتي واتسألت أعرفها منين قولت دى شيماء أختي، وقالولي أروح على النيابة علشان آخد تصريح دفن.
وأردف: أختي عمرها 38 سنة، وكانت متزوجة ومن 10 سنين اتخانقت مع جوزها وخدت عيالها وكانت بتتنقل كل فترة، وحالها كان كويس ولكن من 7 سنين حالها اتغير وبقت تشرب مخدرات، وكان عندها طفلين محمد وهشام ولكن محمد مات من سنة.
