طبيب غلابة جديد| طبيب أطفال بعين شمس كشفه 40 جنيها: القرش القليل فيه بركة.. وأمي قالتلي متبقاش جزار
حرص الدكتور عصام جاد استشاري طب الأطفال بمنطقة عين شمس، على مساعدة أهالي منطقته بتخفيض مبلغ الكشف لجنيهات بسيطة كي يخفف عنهم ظروف الحياة.
الكشف بـ 40 جنيها.. استشاري للأطفال في عين شمس طبيب للغلابة من جديد
طبيب للغلابة يظهر من جديد لمساندة الأهالي والأسر المصرية بمنطقة عين شمس، لتبلغ قيمة كشف عيادته الخاصة 40 جنيهًا بعد أن بدأت منذ أعوام قليلة بـ10 جنيهات حتى وصلت إلى السعر الحالي.
وقال الدكتور عصام جاد استشاري طب الأطفال في تصريحات خاصة لـ القاهرة 24: الفلوس آخر حاجة ممكن أفكر فيها، وأنا مؤمن إن القرش القليل فيه بركة ودعوة، وأهم حاجة مُساندة المريض وشفائه.
وقال الدكتور جاد الذي يبلغ عمره 59 سنة: في أيام جائحة كورونا، دخلت في غيبوبة 29 يوم.. وربنا شفاني، فمؤمن بـ أن الدعاء يرفع البلاء، وأنا يحقق وصية أمي ليا.
الدكتور عصام: القرش القليل فيه نعمة.. وكفاية دعواتهم
وتابع: العيادة محتاجة بـ 20 ألف جنيه تصليحات، لكن مزودتش سعر الكشف على المريض، أصل هزود ليه.. القرش القليل فيه نعمة وخير، وكفاية عليا دعواتهم.
وأضاف: أمي هي اللي قالتلي كده، وقالتلي متبقاش جزار وخليك رحيم بـ المرضى، وأنا شايف أن كفاية الواحد بالعلم يقدر يخدم الناس ويشفيهم، وبالنسبة للأطباء اللي بيستغلوا المرضى بـ كشف 500 و600 جنيه، الناس دي بتعبد القرش، مُضيفًا: طب ما توفر على الناس القرش البسيط، وهم هيدعولك.
واستكمل عن ذهابه لـ زيارات منزلية: الكشف المنزلي استهلاك فلوس الناس، ومقدرش أسيب العيانين اللي في العيادة وأروح لواحد بس في البيت، إلا لو الحالة طارئة للغاية وتستدعي، وساعتها بحاول أنسق الوقت وأخلق فرص الكشف للجميع.
وتابع موجهًا خطابه للأطباء: لو جالي مريض مش معاه مش باخد منه فلوس، ولو قدرت أوفر له أدوية على حسابي بعمل كده، الرحمة بالناس نعمة.. تغور الفلوس، وربنا ييسر الحال للجميع.
