أبوه بصل وأمه توم.. أمثال سورية شهيرة ومضحكة تختصر الكلام

هناك أمثال سورية عديدة تنتشر في مصر، وقد يكون أشهرها من برا هلا هلا ومن جوا يعلم الله، وهو المثل الشبيه جدًا بنفس المثل السوري الطول هالله هالله والعقل يفتح الله، وهذا التشابه يزيد مع التبادل الثقافي بين البلدين. وفيما يلي عبر القاهرة 24 نستعرض أمثال سورية تعكس ثقافة وتاريخ الشعب السوري العريق، وتحمل في طياتها حكمة الأجداد وتجاربهم الحياتية، وتستخدم للتعبير عن مواقف ومشاعر مختلفة بطريقة شيقة وموجزة.

أمثال سورية

هناك العديد من النماذج لـ أمثال سورية منتشرة تداخلت مع الثقافة المصرية وترددت كثيرًا خلال فترة استضافة السوريين في مصر، ومع كثرة استعانة السوريين بـ أمثال سورية شعبية وقديمة، لم تعد بعض تلك الأمثال غريبة على مسامع المصريين.

ونعرض عدد من أمثال سورية منتشرة في سوريا يستعان بها لتلخيص المعنى المراد إيصاله بسهولة:

• العشرة يلي هانت ياريتا ما كانت.
• اللي بيعاتب الرخيص بيرخص.
• اللي بقلبي علساني واللي مو عاجبو ينساني.
• الأصيل أصيل ولو حظو على قدو وابن النعمة مبين ولو الزمن هدو.
• مو كل ورد خلق للشم ولا كل البشر بتنفدى بالدم.
• قالتلا ياجارة سكبيلي ردتلا بكفوفي ولا بصحونك الي ع رفوفي.
• لا تضرب وتغمق الجرح، ما بعد العداوة إلا الصلح.
• النذل يلي متعود على الوخامة ما بتناسبو بنت الشرف والشهامة.
• الله يخلينا بعقولنا،لوقت نصل لقبورنا.
• لما الكلب يشوف اللحمة مابقا يعبي عينه الخبز والملح.
• حسدونا على ضحكتنا حتى إجت الأيام وأخدتنا.
• ماصفي حدا صالح كل الناس مصالح.
• من لحمك ودمك باعوك لا تلوم يلي مبارح عرفوك.
• كله ماشي بألف وش والقلوب مليانه غش.
• الله يكفينا شر من رحب فينا وهلا..ومن ورانا حكى علينا وما خلا.
• اشكي لربك ونام ولا تشكي لبني آدم وتنهان.
• الدنيا بالضيق بتورجيك مين ببيعك ومين بيشتريك.
• يلي بيجي لعنا أهلا وسهلا والقلب إلو هزاز، ويلي ما بيجي لعنا لا أهلا وسهلا ولا القلب إلو معتاز.

• الغربة متل الحمام العمومي، اللي برا حيموت ليدخل، والي جوا موطايق الريحة.
• يلي ألو غايب بضل قلبو دايب.
• عيوبي لا اراها وعيوب الناس اركد وراها.
• بحطوا أبنهم على الحيطان وبقولوا هاد من عمل الشيطان.
• لما طول دنبه قل أدبه.
• الجارة لما تغار من جارتها بتطق وبتفقع مرارتها.
• قالولوا الله بيلعن يلي بسب الناس قلن: الله بيلعن يلي بخلي الناس تسبه.
• منعيب والعيب فينا وبنازع والروح فينا.
• من إيمتى كنا والشمس ترقعنا.
• كل ما الخبر فتح اذانه رجفت سيقانه.
• الحكي معك متل شرب الدخان لا بأوله بسم الله ولا بأخرو الحمدالله.
• يلي بدق الباب بيسمع الجواب.
• الحيط الواطي الكل بنط عليه.
• كوم حجار ولا هالجار.
• كل شعرة وإلها مقص.
• اللي ما بيسأل عليك ما تكتر عليه ملامة اذا اجاك قلو مرحبا واذا راح مع السلامة.
• الضيف الأكابر بياكل وبغادر.
• ضيف عنتاب من السفرة للباب.

أمثال شامية مضحكة

لا تخلو قائمة أمثال سورية من أمثال شامية مضحكة تحتوي كلمات رنانة ذات دلالات واضحة للشعب السوري، وتدخل في نفس الوقت الضحكة على شفاه من يسمعها منها ما يلي:

• الطول هالله هالله والعقل يفتح الله.
• الضيف الشرشوح بياكل وبروح.
• زيوان البلد ولا حنطة الجلب.
• إبن آدم نصو خلقة ونصو خرقة، ويلي ما بتزينوا عروقه ما بتزينوا خروقه.
• البخيل متل الكديش، بيحمل دهب وبياكل حشيش.
• نامو عندي ليلة فكرو حالهم من العيلة.
• خايف هزك يا غربالي، يوقع منك كل عزيز وغالي.
• وقت الكباب سكروا الباب، ووقت المجدرة نادو للمعترة.
• الشرشوح شرشوح لو علقوه على الإسطوح.
• بعد ما أكل وإتكى قلها يا مرى قلا يا مرا طبخك مالو زكى
• مو كل يلي بيحكي فهيم ولا كل يلي بيسكت بهيم.
• دروس الحياة مو ببلاش دافعين تمنها من عمرنا كاش.
• بعد ما أكل وتملى قال الأكل مو مقلى.
• راكبين جمل وحاملين علم وقايلين ماحدا شايفنا.
• متل القطاط بتاكل وبتنكر.
• جاور المقمل بيعديك بيشيل اللي فيو وبحطو فيك.
• كوم فيران ولا هالجيران.
• عدي رجالك عدي من الأقرع للمصدي.
• أبوه بصل وأمه توم ومن وين بدها تجي ريحة طيبة؟

أمثال شامية عن المرأة

تنتشر أمثال شامية عن المرأة في أحاديث السوريين وتعكس مبادئ كثيرة يتفق عليها الشعب السوري، منها اهتمام المرأة بجمالها ولباقتها وإتقانها لإدارة منزلها، كذلك تشابه المرأة بوالدتها كعنوان لمعرفة أخلاقها، ونستعرض فيما يلي أمثال سورية عن المرأة:

• متل عروسة الزط عالحيطان بتنط.
• ما غاظتني الكاملة المكملة، لتغيظني الناقصة المقملة.
• الست مالها غير صحتها لارجال بيشفع ولا أولاد بتنفع.
• المرة اعدى عداها سلفتا وكنتا وبيت حماها.
• اتفقت الصرماية والقبقاب، وصاروا عند العتبة أصحاب.
• أبو البنات نام متعشي وشبعان وأبو الصبيان نام مقهور وجوعان.
• لاتحكي عن زوجك لصاحبتك يا بتحسدك يا بتاخدو وبتقهرك.
• قلت لحظي رايحة لعند أهلي قلي روحي وأنا لاحقك على مهلي.
• حملي عصاية السيلفي ودوريا وكل ما بتطبخي طبخة صوريا.
• صاحبي مين ترد غيبتك ولا تصاحبي مين تجيب سيرتك.
• حسدوها على جوزا وعلى ذوقه قالتلن ريتو ملح وكل الناس تدوقه.
• النضيفة بنت الأصل بتخلي كوخها قصر.
• خليكي عند أهلك عزيزة وشبعي دلال..صح كتار الشوراب بس قليلين الرجال.
• شيل الريحانة وشمها وخود البنت على ريحة أمها.
• خدي الفهيم الفارس، ولا تاخدي البهيم الدارس.
• قبل ماتركبي لأذنك حلق روحي ركبي لتمك غلق.