مفيش عندهم سيستم وبقالهم شهرين بيقولولي بكرة ومعلش يا افندم.. فتاة تستغيث من شركة شحن شهيرة
استغاثت فتاة تُدعى مريم والتي تمتلك مشروعا صغيرا، من شركة الشحن active، بسبب التعامل السيئ معها، عند استلام الأوردرات منها وتسليمها للعملاء وسوء خدمة الشحن، بالإضافة إلى تأخير استرداد أموالها منذ شهرين.
وقالت مريم إبراهيم في تصريحات خاصة لـ القاهرة 24: لدي مشروع صغير من خلاله أبيع شموع الزينة ذات الروائح المختلفة، لذلك فكرت منذ فترة في التعامل مع شركة شحن للأوردرات بتاعتي، لأن لديّ زبائن من مختلف الأماكن في مصر، ولجأت لـ شركة active للشحن لأنها معروفة في هذا المجال، وكانت غلطة عمري للأسف.
مفيش عندهم سيستم وبقالهم شهرين بيقولولي بكرة ومعلش يا افندم.. فتاة تستغيث من شركة شحن شهيرة
وتابعت: كنت بدخل الاوردرات بتاعتي علي السيستم عشان تتشحن للعملاء بتوعي، وتفأجات أن فيه أوردر منهم مش موجود ولما بلغتهم قالولي المشكلة مني أنا لكن اتضح إن السيستم بتاعهم بيحذف الأوردرات لوحده، ومن كام أسبوع كان فيه أوردر هيتوصل لعميل، وأنا مظبطة الدنيا على أساس المندوب يروح للعميل، لكن اتفاجئ إن العميل بيكلمني يقولي المندوب عمله بلوك وراح المندوب يقول للشركة العميل مش راضي يستلم مني الأوردر.
فتاة تستغيث من شركة شحن شهيرة
وأضافت: كمان مندوبين الشركة بيوصلوا الأوردرات على عجلة، أو بيركبوا مواصلات مفيش عندهم حاجة اسمها موتوسيكل ولا الكلام ده، والأوردر بيتأخر بالأسابيع على مايتوصل عشان كده جبت أخرى منهم، ودلوقتي فيه ليا عندهم فلوس وأوردرات مش عايزين يبعتوا حاجة وكل شوية يقولولي بكرة ومفيش حاجة بتحصل!.
وأردفت: ولما كلمتهم وقولتلهم إني هنزل فيديو أحكي فيه المشكلة كلها اللي حصلتلي مع شركة active، قالولي من يوم الثلاثاء اللي فات بكرة هنبعتلك ولما مبعتوش اضطريت أنزل فيديو، عشان احذر الناس منهم ومن معاملتهم.
وتابعت: الشركة دي مفيش عندهم سيستم خالص، وكل أما أقولهم على مشكلة عندي فى الشغل يقولولي معلش يا افندم، وبعد مانزلت الفيديو عندي على تيك توك وشافوه كلمني المدير وقالي احنا اسفين وهنبعتلك حد بالأوردرات بس امسحي الفيديو وبلاش قطع أرزاق لينا عشان سمعتنا، بس أنا رفضت وقولتله مش همسحه.
