شريف مدكور ردًا على منتقديه: أتكلم في الدين براحتي.. على الأقل ببحث علشان أزود إيماني مش بعمل سبوبة
رد الإعلامي شريف مدكور، على الانتقادات التي تلقاها بسبب حديثه عن الدين وتفسير آيات القرآن الكريم، موضحًا أنه يبحث في الدين ليزيد إيمانه وليس من أجل المتاجرة به.
شريف مدكور ردًا على منتقديه: أتكلم في الدين براحتي
وكتب شريف مدكور، عبر حسابه الشخصي بموقع فيسبوك: أنا أتكلم في الدين براحتي وأقول اللي أنا عاوزه مدام مش بكفر حد والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.. أنا مش خروف حمشي ورا كلام حد.
وأضاف شريف مدكور، في تحذير شديد اللهجة: كل واحد يلم نفسه على الأقل أنا مش بتاجر ولا بعمل سبوبة من ديني وربنا عارف نيتي وهو اللي بيحاسب في الآخر، ورجاء محدش يدخل على الخاص ويكتبلي أن الدين ده دراسة وعلم خلي كل واحد في نفسه أرجوكم، والناس اللي عمالة تضحك على الكلام أنتم عيال قوي علشان مفيش في الكلام حاجة تضحك.
شريف مدكور
وكان أثار الإعلامي شريف مدكور، الجدل بعد استشهاده بـ آيات من القرآن الكريم عن الحساب بالقبر، حيث كتب عبر حسابه بموقع فيسبوك: قال تعالى: كل نفس ذائقة الموت وإنما توفون أجوركم يوم القيامة، قال يوم القيامة ولم يقل وإنما توفون أجوركم في القبر، أو يقول وإنما توفون بعض أجوركم في القبر، أو يقول وإنما ستتعرفون على مقاماتكم في القبر، هذه الآية الكريمة الصريحة والواضحة تؤكد وتبين لكل من يتدبر القرآن أنه لا يوجد أي شيء في القبر.
