لبلبة عن مشاركتها في تجهيز شاحنات مساعدات لأهل غزة: حاسه النهاردة عيد.. وهيفضل قلبنا معاهم ومع السيسي
حرصت الفنانة لبلبة على المشاركة في تجهيز قافلة شاحنات حمل مساعدات لأهالي غزة، مشيرة إلى أنها تدعم جميع قرارات الرئيس عبد الفتاح السيسي.
لبلبة عن مشاركتها في تجهيز شاحنات مساعدات لأهل غزة: حاسه النهاردة عيد.. وهيفضل قلبنا معاهم ومع السيسي
وقالت لبلبة في لقائها مع القاهرة 24: حاسه إني في العيد وصاحية من الساعة 7 الصبح عشان أشارك في المساعدات لاخواتنا وقلبنا معاهم.. وبشكر الريس على أن قلبه مع كل شعب غزة وإحنا هنفضل معاهم ومع قراراته.
وعلى جانب آخر، تحدثت لبلبة مؤخرًا، عن عدة موضوعات شخصية بحياتها، مشيرة إلى أنها تزوجت وهي تبلغ من العمر 17 سنة وظلت 3 سنوات حتى تتخطى وفاة والدتها.
وأوضحت لبلبة خلال تصريحاتها تليفزيونية: فقدت والدي وطلعت تاني يوم غنيت وضحّكت الناس ورجعت أعيط تاني، ووفاة والدتي كانت صدمة حياتي وقلعت الأسود بناء على رغبة جمهوري، ولو كان عندي بنت مكنتش هخليها تدخل نفس مجالي.
وواصلت لبلبة: اتجوزت وأنا 17 سنة واتطلقت بعد 7 سنين، ولو كنت اتجوزت تاني كنت هخلف على الأقل 3 لكن شغلي في الفن كان عقبة.. واللي كان بيدخل حياتي كان بيكون تحت الأضواء ومش أي حد يحب ده، وأنا مش بعرف أندم ومش ندمانة على عدم زواجي مرة تانية، ولما بلاقي نفسي لوحدي بقول يا سلام لو كان معايا ولد حواليا، بس بقول يمكن لو كان عندي ولاد كانوا سابوني وراحوا سافروا برا.
